అమీర్ ఖాన్, అల్లు అరవింద్ అనుబంధం గురించి అందరికీ తెలిసిందే. ఇద్దరూ కలిసి తొలిసారి బాలీవుడ్ కు వంద కోట్ల రూపాయల సినిమాను అందించారు. ఇక అమీర్ ఖాన్, నాగచైతన్య బంధం గురించి కూడా తెలిసిందే. ఇద్దరూ కలిసి ఓ సినిమా చేశారు.
అలాంటిది ఇప్పుడు అల్లు అరవింద్, నాగచైతన్య కలిసొచ్చి మరీ అడిగితే అమీర్ కాదనగలడా? అందుకే తన కొడుకు సినిమాను కూడా పక్కనపెట్టి మరీ చైతూ సినిమా ఫంక్షన్ కు వచ్చాడు.
నాగచైతన్య హీరోగా నటించిన ‘తండేల్’ సినిమాను హిందీలో కూడా రిలీజ్ చేస్తున్నారు. ఫిబ్రవరి 7న ఆ సినిమా థియేటర్లలోకి వస్తోంది. అదే రోజు అమీర్ కొడుకు నటించిన సినిమా కూడా రిలీజ్ అవుతోంది.
ఓవైపు తన తనయుడి సినిమా రిలీజ్ ఉన్నప్పటికీ.. అల్లు అరవింద్, నాగచైతన్య అడగడంతో ‘తండేల్’ హిందీ ట్రయిలర్ లాంచ్ కు హాజరయ్యాడు అమీర్. ఇదే విషయాన్ని వేదికపై కూడా ప్రకటించి, అల్లు అరవింద్, చైతూపై తనకున్న అభిమానాన్ని చాటుకున్నాడు.
కథ బాగుంటే ఎన్ని సినిమాలైనా చూస్తారని.. అదే విధంగా ‘తండేల్’తో పాటు తన కొడుకు నటించిన సినిమాను కూడా ప్రేక్షకులు ఆదరిస్తారని అంటున్నాడు అమీర్.
