తనకు బాయ్ ఫ్రెండ్ లేడంటూనే, లవ్ గురుగా మారింది హీరోయిన్ శ్రీలీల. ఏదైనా రిలేషన్ షిప్ నిలబడాలంటే కమ్యూనికేషన్ తప్పనిసరి అంటోంది. భాగస్వామి ఏం చెబుతున్నాడో వినాలని, అదే టైమ్ లో మనం ఏమనుకుంటున్నామో స్పష్టంగా వెల్లడించాలని అంటోంది.
బంధం నిలబడాలంటే మనస్ఫూర్తిగా మాట్లాడ్డం తప్పనిసరి అని, అప్పుడే అది మరింత పారదర్శకంగా ఉంటుందని చెబుతోంది. అదే టైమ్ లో కమ్యూనికేషన్ తో పాటు.. ఎదుటివ్యక్తిని గౌరవంగా చూడడం కూడా చాలా ముఖ్యం అంటోంది.
షూటింగ్ గ్యాప్ లో అభిమానులతో ఛాట్ చేసిన ఈ ముద్దుగుమ్మ.. ఇలా రిలేషన్ షిప్ లో పాటించాల్సిన కొన్ని నియమాల్ని వెల్లడించింది. అయితే తను మాత్రం ఇంకా లవ్ లో పడలేదని, సింగిల్ అని చెబుతోంది.
ఇక బ్యూటీ టిప్స్ పై స్పందిస్తూ.. రాత్రి పడుకున్నప్పుడు స్లీపింగ్ మాస్క్ వేసుకొని, ఫ్యూజన్ వాటర్ తో ముఖం కడుక్కుంటానని చెబుతోంది. అదే తన చర్మ సౌందర్యానికి కారణం అంటోంది. వైట్ కలర్ అంటే తనకు చాలా ఇష్టమని, వైట్ డ్రెస్ వేసుకుంటే తన అందం రెట్టింపు అయినట్టు భావిస్తానని అంటోంది.
