దర్శకుడు మురుగదాస్ హిందీలో మరో బడా మూవీ తీయబోతున్నాడు అనే వార్త వచ్చినప్పుడు అందులో హీరోయిన్ గా మొదట వినిపించిన పేరు… సమంత. సల్మాన్ ఖాన్ సరసన సమంత అంటూ మీడియాలో హెడ్ లైన్స్ వచ్చాయి.
కానీ ఇప్పుడు క్లారిటీ వచ్చింది. సల్మాన్ ఖాన్ హీరోగా మురుగదాస్ తీస్తున్న “సికిందర్” సినిమాలో హీరోయిన్ సమంత కాదు. మన నేషనల్ క్రష్ రష్మిక మందాన నటించనుంది. ఈ రోజు మేకర్స్ రష్మిక పేరుని అధికారికంగా ప్రకటించారు. అంటే సమంతకి వెళ్లకుండా ఈ బడా ప్రాజెక్ట్ రష్మిక ఖాతాలోకి వచ్చింది.
ALSO READ: Rashmika Mandanna bags Salman Khan’s ‘Sikindar’
సమంత పేరు ఇటీవల పలు బాలీవుడ్ పెద్ద సినిమాల్లో వినిపించింది. అందులో ఒక్కటీ కూడా నిజం కాలేదు. ప్రచారం జరిగిన వాటిలో వేరే హీరోయిన్లు వచ్చి చేరుతున్నారు. తాజాగా ‘సికిందర్’లో రష్మిక పేరు ప్రకటించడంతో అసలు సమంతకి ఒక్క పెద్ద బాలీవుడ్ చిత్రమైనా వస్తుందా అన్న అనుమానాలు మొదలయ్యాయి.
ఇక ఆమె తెలుగులో సొంత నిర్మాణ సంస్థలో ఒక సినిమా చేస్తోంది. “మా ఇంటి బంగారం” అనే ఒక సినిమాని నిర్మిస్తూ నటిస్తోంది సమంత.
