ఇటీవల సినిమా తారల పెళ్లిళ్ల కన్నా విడాకుల వార్తలు ఎక్కువ అయ్యాయి. మన దక్షిణాదిలోనే నాగ చైతన్య, సమంత, నిహారిక, ధనుష్, జీవి ప్రకాష్ కుమార్, ఏఆర్ రెహమాన్, జయం రవి వంటి వారి విడాకుల ప్రకటనలు గత రెండేళ్లలో చూశాం. ఇక ఇప్పుడు మరో హీరోయిన్ కూడా విడాకుల పుకార్లు ఎదుర్కొంటోంది.
హీరోయిన్ హన్సిక గత కొంతకాలంగా తన భర్త గురించి ఒక్క మాట మాట్లాడడం లేదు. ఒక్క పోస్ట్ కూడా పెట్టడం లేదు. అలాగే, ఆమె భర్తతో పబ్లిక్ గా కనిపించి ఏడాదిపైనే అయింది. దాంతో, హన్సిక, ఆమె భర్త వేర్వేరుగా ఉంటున్నారు అనే ప్రచారం కొంతకాలంగా జరుగుతోంది.
తాజాగా తమిళ మీడియా వెబ్ సైట్లు ఏకంగా ఆమె భర్త నుంచి విడాకులు కోరుతూ కోర్టులో పిటిషన్ వేయనుంది అనే వార్తలు ప్రచురించాయి.
ఆమె భర్త సోహెల్ కత్రియా ఈ విషయంలో స్పందించాడు. విడాకుల వార్తల్లో నిజం లేదు అన్నాడు. కానీ ఇద్దరూ కలిసే ఉంటున్నారా, విడిగా ఉంటున్నారా అనే విషయంలో క్లారిటీ ఇవ్వలేదు. హన్సిక, సోహెల్ కుటుంబాల మధ్య గొడవలు మొదలు అయ్యాయి అని టాక్.
హన్సిక, సోహెల్ మూడేళ్ళ క్రితం పెళ్లి చేసుకొంది. సోహెల్ కి ఇంతకుముందు పెళ్లి అయి విడాకులు అయ్యాయి. అతనికి హన్సిక రెండో భార్య. 32 ఏళ్ల హన్సిక తెలుగులో ‘దేశముదురు’ చిత్రంతో హీరోయిన్ గా అడుగుపెట్టింది.
