ఎవరైనా నవ్వితే అందంగా ఉంటారు. కానీ అనన్య పాండే మాత్రం ఏడిస్తే అందంగా ఉంటుంది. ఈ విషయాన్నీ ఆమె స్వయంగా చెప్పుకొచ్చింది. ఓ పాడ్ కాస్ట్లో మాట్లాడుతూ తనకు ఏడుపు అంటే ఇష్టమని చెప్పుకొచ్చింది.
తను ఏడుస్తున్నప్పుడు కచ్చితంగా కొన్ని సెల్ఫీలు తీసుకుంటానని ఆమె వెల్లడించింది. అలా తీసిన ఫొటోల్ని ఇనస్టాగ్రామ్ లో పెడతానని కూడా అంటోంది. ఎందుకంటే కన్నీటితో నిండిన ఆమె కళ్ళు సహజమైన నిగారింపును, అందాన్ని ఇస్తాయట.
తను ఏడ్చినప్పుడు ఎన్నోసార్లు అద్దంలో చూసుకున్నానని. తనకు బాగా నచ్చిందని, అప్పట్నుంచి ఆ తరహా ఫొటోల్ని అందరికీ షేర్ చేస్తున్నానని అంటోంది. భావోద్వేగాలను నియంత్రించడం తనకు చేతకాదంటోంది అనన్య పాండే. అందుకే ఏడ్చేస్తానని, ఆ టైమ్ లో తను అందంగా కూడా కనిపిస్తానని చెబుతోంది.
ఆమె నటించిన కంట్రోల్ (CTRL) అనే సినిమా నేరుగా ఓటీటీలో రిలీజైంది. ఆ సినిమా ప్రచారంలో భాగంగా ఈ ఆసక్తికర విషయాన్ని బయటపెట్టింది అనన్య పాండే. ఈ సినిమాకు విక్రమాదిత్య మోత్వానే దర్శకత్వం వహించాడు. ప్రియుడి చేతిలో మోసపోయిన వ్యక్తిగా అనన్య కనిపిస్తుంది.
