ఇన్నేళ్లయినా నాగార్జున ఫిజిక్ ఏం మారలేదు. మరి ఆయన డైట్ సీక్రెట్ ఏంటి? అంత బాగా ఫిజిక్ ఎలా మెయింటైన్ చేస్తున్నారు?
ఈమధ్య జాతీయ మీడియా ఇదే ప్రశ్న సంధించింది. ఇప్పుడు లోకల్ మీడియా కూడా నాగార్జునను ఇదే ప్రశ్న అడిగింది. ఇలా స్లిమ్ గా, ఫిట్ గా ఉండడానికి ఉపవాసం చేస్తారా అనేది ప్రశ్న. దీన్ని నాగార్జున తీవ్రంగా ఖండించారు.
“ఫాస్టింగ్ అంటే ఏంటో నాకు తెలియదు. కరోనా లాక్ డౌన్ టైమ్ లో మాత్రమే కాస్త ఫాస్టింగ్ చేశాను. అది కూడా ఫుల్ టైమ్ కాదు. ఫిట్ గా ఉండడం కోసం నేను ఎలాంటి ప్రయోగాలు చేయను. మంచి ఆహారం తింటాను. ప్రతి రోజూ వ్యాయామం చేస్తాను. కెలొరీలు కరిగితే ఆటోమేటిగ్గా ఫిట్ నెస్ వస్తుంది.”
సరైన ఆహారం తీసుకోవడంతో పాటు మానసికంగా ఆహ్లాదంగా ఉండడం కూడా చాలా ముఖ్యం అంటున్నారు నాగార్జున. ఎక్కువ టెన్షన్ తీసుకోకపోవడం కూడా తన ఆరోగ్య రహస్యమని అంటున్నారు.
