అతి తక్కువగా సినిమాలు చేసే అనుష్క మరో సినిమా రెడీ చేసింది. అంతా అనుకుంటున్నట్టు ఇది క్రిష్ దర్శకత్వంలో చేస్తున్న ‘ఘాటీ’ సినిమా కాదు. మలయాళంలో ఆమె చేస్తున్న సినిమా రెడీ అవుతోంది.
ఈ సినిమా షూటింగ్ పార్ట్ మొత్తం పూర్తయినట్టు మేకర్స్ ప్రకటించారు. అనుష్క నటిస్తున్న ఈ మలయాళ సినిమా 2 భాగాలుగా రాబోతున్న సంగతి తెలిసిందే.
దాదాపు వంద కోట్ల బడ్జెట్ తో తెరకెక్కుతున్న ఈ సినిమాకు మలయాళంలో ‘కథనార్’ అనే టైటిల్ ఫిక్స్ చేశారు. పోస్ట్ ప్రొడక్షన్ వర్క్ కొలిక్కి వచ్చిన వెంటనే తెలుగు పోస్టర్ ను విడుదల చేస్తారు. ఏ భాష సినిమానైనా తెలుగులో అదే టైటిల్ తో విడుదల చేయడం ఫ్యాషన్ అయిపోయింది కాబట్టి, ఈ సినిమా కూడా ‘కథనార్’ అనే టైటిల్ తోనే వస్తే పెద్దగా ఆశ్చర్యపోనక్కర్లేదు.
హారర్ ఫాంటసీ థ్రిల్లర్ గా వస్తోంది ‘కథనార్’. అనుష్కకు ఇదే తొలి మలయాళం సినిమా.
9వ శతాబ్దపు క్రైస్తవ మతగురువు కడమత్తతు కథనార్ జీవితానికి కాస్త ఫిక్షన్ జోడించి ఈ సినిమాను తెరకెక్కిస్తున్నారు. ‘మిస్ శెట్టి మిస్టర్ పొలిశెట్టి’ తర్వాత అనుష్క నుంచి వస్తున్న సినిమా ఇదే.
