సల్మాన్ ఖాన్ కి 59 ఏళ్ళు. ఇంకా పెళ్లి కాలేదు. “పెళ్లి కాలేదు, డివోర్స్ కాలేదు. అలా చాలా డబ్బు ఆదా చేశాను,” అని నవ్వుతూ తెలిపాడు సల్మాన్ ఖాన్.
ఈ బాలీవుడ్ హీరో తాజాగా “ది గ్రేట్ ఇండియన్ కపిల్ షో”లో సల్మాన్ ఖాన్ పెళ్లి గురించి జోక్ తో పాటు తన ఆరోగ్య సమస్యలు కూడా బయటపెట్టాడు.
యాక్షన్ సీన్లు చెయ్యడం, నటించడం ఇవన్నీ ఓకే కానీ అనేక ఆరోగ్య సమస్యలతో కూడా తన పోరాటం చేసినట్లు తెలిపాడు. Trigeminal Neuralgia అనే వ్యాధితో చాలా కాలం ఇబ్బంది పడ్డాడట. ఇది ముఖంలో షాక్ కొట్టినట్లు వైబ్రేషన్ ఇచ్చే వ్యాధి. ఇప్పటికీ ఇది వెంటాడుతూనే ఉందట. అలాగే brain aneurysm and an arteriovenous malformation (AVM) వంటి సమస్యలు కూడా ఉన్నాయట. ఇవి మెదడుకు సంబంధించిన సమస్యలు.
ఇవన్నీ ఉన్నా.. ప్రతిరోజూ లేస్తున్నా… పని చేస్తున్నా… షూటింగ్ లకు వెళ్తున్నా అని తెలిపాడు సల్మాన్ ఖాన్. వయసులో ఉన్నప్పుడు ఇవి వస్తే వెంటనే నయం అయ్యేవి. ఇప్పుడు ఇవి వెంటాడుతున్నాయి అని సల్మాన్ ఖాన్ వివరించాడు.
సల్మాన్ ఖాన్ ఇటీవల కెరీర్ పరంగా ఇబ్బందుల్లో ఉన్నాడు. తెలుగులో కూడా చిరంజీవితో కలిసి “గాడ్ ఫాదర్” వంటి సినిమాల్లో నటించాడు. ఈ ఏడాది ‘సికందర్’గా కనిపించాడు. అది కూడా ఆడలేదు.
