కరోనా అనంతర కాలంలో పవన్ కళ్యాణ్ జూబ్లీహిల్స్ లో రెండు స్థలాలు కొన్నారు. 2021లో జూబ్లీహిల్స్ రోడ్ నంబర్ 33లో 676 గజాల స్థలం కొనుక్కొని అక్కడ ఇల్లు కట్టుకున్నారు. ప్రస్తుతం ఈ ఇంట్లోనే పవన్ కళ్యాణ్ ఉంటున్నారు.
ఇక నెల క్రితమే అంటే మార్చి 2024లో ఆయన జూబ్లీహిల్స్ రోడ్ నంబర్ 46లో వెయ్యి గజాల స్థలం కొన్నారు. ఈ వివరాలను పవన్ కళ్యాణ్ ఈ రోజు ఎన్నికల సంఘానికి సమర్పించిన తన ఆస్తులు, అప్పుల వివరాల్లో పొందుపరిచారు. ఈ రెండు స్థలాలు కొత్తగా కొన్నవే. గతంలో ఆయనకున్న ఆస్తులకు అదనం. ఈ రెండింటి ఆస్తుల విలువ 31 కోట్ల రూపాయలుగా ఆయన పేర్కొన్నారు.
ఆయన గత నెలల్లోనే జూబ్లీహిల్స్ లో వెయ్యి గజాల స్థలాన్ని 16 కోట్లు పెట్టి కొనడం విశేషం.
మరోవైపు, తాను గత 5 ఏళ్లలో 114 కోట్ల రూపాయలు ఆర్జించినట్లు పవన్ కళ్యాణ్ పేర్కొన్నారు. పవన్ కళ్యాణ్ హీరోగా మూడు సినిమాల్లో నటించారు కాబట్టి ఈ సంపాదన విషయంలో ఆశ్చర్యం ఏమి లేదు.
ఐతే పలువురి వద్ద దాదాపు 46 కోట్ల అప్పు చేసినట్లు పవన్ కళ్యాణ్ పేర్కొన్నారు. బ్యాంకుల వద్ద 17 కోట్ల లోన్ ఉండగా, కొందరు నిర్మాతలు, తన వదిన సురేఖ సహా పలువురి నుంచి 46 కోట్ల మేర అప్పు తీసుకున్నట్లు చెప్పారు.
ALSO READ: Pawan Kalyan declares income of Rs 114 crore in five years
