కొందరికి కొన్ని సినిమాలు అలా కనెక్ట్ అయిపోతాయి. దీనికి హీరోలు కూడా అతీతం కాదు. అలా హీరో నానికి అలా ఓ సినిమా తెగ నచ్చేసింది. అదే ‘సత్యం సుందరం’. కార్తి, అరవింద్ స్వామి హీరోలుగా నటించిన ఈ సినిమా నానికి ఎంతలా నచ్చిందంటే, ఈ పదేళ్లలో తనకు నచ్చిన ఒకే ఒక్క సినిమా అదేనంటూ కితాబిచ్చాడు.
ఈ పదేళ్లలో హీరోగా ఎన్నో సినిమాలు చేశాడు నాని. నిర్మాతగా ‘కోర్ట్’ లాంటి సినిమాలు కూడా తెరకెక్కించాడు. అయినప్పటికీ వాటన్నింటినీ మించి ‘సత్యం సుందరం’ సినిమాను తన ఫేవరెట్ మూవీగా చెప్పుకొచ్చాడు.
హీరో, విలన్, ఫైట్స్, ఐటెంసాంగ్స్ లాంటివి పెట్టుకోకుండా, సున్నితమైన ఎమోషన్ తో, బలమైన సన్నివేశాలు ఆ సినిమాలో ఉన్నాయంటున్నాడు నాని. అలాంటి సినిమాను ఈ పదేళ్లలో తను ఎక్కడా చూడలేదంటున్నాడు.
ప్రస్తుతం ఈ హీరో మాస్ బాట పట్టిన సంగతి తెలిసిందే. ‘హిట్-3’ తర్వాత ‘ప్యారడైజ్’ అనే సినిమా చేస్తున్నాడు.
