‘తండేల్’ సక్సెస్ ను ఎంజాయ్ చేసిన నాగచైతన్య, భార్య శోభితతో కలిసి విదేశీ పర్యటనకు వెళ్లొచ్చాడు. అలా హ్యాపీ బ్రేక్ తీసుకున్న ఈ హీరో, ఇప్పుడు కొత్త సినిమా స్టార్ట్ చేశాడు. కార్తీక్ దండు దర్శకత్వంలో సెట్స్ పైకి వెళ్లాడు చైతూ.
కెరీర్ లో నాగచైతన్యకు ఇది 24వ చిత్రం, ఈరోజు ఈ సినిమా రెగ్యులర్ షూట్ మొదలైంది. ‘విరూపాక్ష’ హిట్ తర్వాత కార్తీక్ దండు, ‘తండేల్’ సక్సెస్ తర్వాత నాగచైతన్య కలిసి చేస్తున్న మూవీ కావడంతో, ఈ ప్రాజెక్టుపై అంచనాలు పెరిగాయి. ఈ సినిమా కోసం చైతూ ఓ కొత్త లుక్ ట్రై చేస్తున్నాడు.
బీవీఎస్ఎన్ ప్రసాద్, సుకుమార్ కలిసి నిర్మిస్తున్న ఈ సినిమా ఓ మైథలాజికల్ థ్రిల్లర్. ఇప్పటివరకు చైతూ టచ్ చేయని జానర్.
ALSO READ: Meenakshi Chaudhary begins her new slate
ఈ సినిమాలో మొన్నటివరకు పూజా హెగ్డేను హీరోయిన్ గా అనుకున్నారు. కానీ ఆమె స్థానంలో మీనాక్షి చౌదరిని హీరోయిన్ గా తీసుకున్నారు. త్వరలోనే ఆమె కూడా సెట్స్ లో జాయిన్ అవుతుంది.
