ఉన్నఫలంగా హైదరాబాద్ లోని ఆర్టీఏ ఆఫీస్ లో ప్రత్యక్షమయ్యాడు నాగార్జున. ధగధగలాడే ఖరీదైన కారులో ఎంట్రీ ఇచ్చాడు. ఆ కారు రిజిస్ట్రేషన్ కోసమే అతడు అక్కడికి వెళ్లాడు. ఇంతకీ ఆ కారు సంగతులు తెలుసా?
లెక్సెస్ కంపెనీకి చెందిన ఖరీదైన కారు ఇది. దీని మోడల్ పేరు ఎల్ఎమ్-350 వీఐపీ. ఈ 7-సీటర్ కారు ఎక్స్ షోరూం ధర అక్షరాలా 2 కోట్ల 63 లక్షల రూపాయలు. ఆన్ రోడ్ రేటు చూసుకుంటే కనీసం 3 కోట్లు ఉంటుంది.
ఈ కారును తన పేరు మీద రిజిస్టర్ చేయించుకున్నాడు నాగ్. రూల్స్ ప్రకారం, ఆఫీస్ లోనే ఫొటో దిగి, డిజిటల్ సైన్ చేశాడు. అక్కడున్న అధికారులతో ఓ 10 నిమిషాల పాటు పిచ్చాపాటీ మాట్లాడాడు. వాళ్లు అడిగిన డాక్యుమెంట్లు అన్నీ ఇచ్చాడు.
ఇండస్ట్రీలో ఇప్పుడిప్పుడే ఈ కారుపై మక్కువ పెరుగుతోంది. ఆల్రెడీ రామ్ చరణ్ ఈ కారు వాడుతున్నాడు.
