తెలుగులో ఎక్కువ సార్లు వాయిదా పడిన సినిమా ఏది? అనధికారిక లెక్కల ప్రకారం, ఈ రికార్డు ‘ఢమరుకం’ సినిమా పేరిట ఉంది. నాగార్జున-అనుష్క హీరోహీరోయిన్లుగా నటించిన ఈ సినిమా లెక్కలేనన్ని సార్లు వాయిదా పడింది. ప్రతి రోజూ “రేపు రిలీజ్” అంటూ ప్రకటించి చాలాసార్లు పోస్ట్ పోన్ అయింది ఈ సినిమా.
ఇప్పుడీ మూవీ రికార్డ్ ను హరిహర వీరమల్లు సినిమా తిరగరాసిందంటున్నారు కొంతమంది సినీ జనం. ఇప్పటివరకు తెలుగు సినిమాల్లో ఎక్కువసార్లు రిలీజ్ డేట్ ప్రకటించిన పోస్ట్ పోన్ చేసిన సినిమాగా ‘హరిహర వీరమల్లు’ నిలిచిందని చెబుతున్నారు.
పవన్ కల్యాణ్ హీరోగా నటించిన ఈ సినిమా ఇప్పటివరకు 7 సార్లు వాయిదా పడిందంట. మొన్నటికిమొన్న మే 9 అని చెప్పి వాయిదా వేశారు. దాంతో కలిపి 7సార్లు వాయిదా అంటూ లెక్కకట్టారు కొంతమంది.
ఈ వాయిదాల పర్వం ఇక్కడితో ఆగేలా లేదు. రాబోయే రోజుల్లో కూడా మరికొన్నిసార్లు ఈ సినిమా వాయిదాపడే అవకాశాలే ఎక్కువ. ఎందుకంటే, పవన్ రాజకీయాలతో బిజీ. పైగా ఆయన ఆరోగ్యం కూడా బాగాలేదు. సో.. వాయిదాల విషయంలో ‘హరిహర వీరమల్లు’ ను కొట్టే పెద్ద సినిమా ఇంకోటి రాకపోవచ్చు.
