బాలీవుడ్ లో మోస్ట్ ఎలిజిబుల్ బ్యాచిలర్స్ అంటే కార్తీక్ ఆర్యన్, అర్జున్ కపూర్ లాంటి హీరోల పేర్లు చెబుతాం. అయితే వీళ్లతో పాటు అదే ఇండస్ట్రీలో ముదురు బ్యాచిలర్స్ కూడా ఉన్నారు. ఈ లిస్ట్ లో ముందు వరుసలో ఉన్నది సల్మాన్ కాగా, హృతిక్-అమీర్ కూడా ప్రస్తుతం బ్యాచిలర్స్ కిందే లెక్క. అంతేకాదు, లేటు వయసులో వీళ్లు తమ డేటింగ్స్ తో అందర్నీ ఆకర్షిస్తున్నారు.
సల్మాన్ ఖాన్ సంగతి అందరికీ తెలిసిందే. ఇంకొన్ని నెలలు గడిస్తే షష్ఠిపూర్తి అవుతుంది. ఇప్పటికీ ఇంకా పెళ్లి చేసుకోలేదు. పెళ్లి చేసుకోడు కూడా. అయితే ఇతడి లైఫ్ లో ఎఫైర్లు, డేటింగ్స్ మాత్రం పుష్కలంగా ఉన్నాయి. 90వ దశకంలో ఇతడు డేటింగ్ చేయని హీరోయిన్ లేదంటారు బాలీవుడ్ జనం. కాబట్టి ఇప్పటికీ ఎప్పటికీ ఈయన బ్యాచిలరే.
ఇక హృతిక్ తన డేటింగ్ తో ఆకర్షిస్తున్నాడు. 51 ఏళ్ల ఈ హీరో తన భార్య సుసేన్ కు విడాకులిచ్చాడు. ఆ తర్వాత సబా ఆజాద్ కు కనెక్ట్ అయ్యాడు. దాదాపు ముడేళ్లుగా ఇద్దరూ ప్రేమించుకుంటున్నారు. రీసెంట్ గా పబ్లిక్ లోకి కూడా వచ్చారు. సో.. ఇక పెళ్లి చేసుకోవడమే ఆలస్యం.
మరో నటుడు అమీర్ ఖాన్ కూడా బ్యాచిలరే. 60 ఏళ్ల ఈ హీరో ఆల్రెడీ 2 సార్లు పెళ్లి చేసుకున్నాడు. విడాకులు కూడా తీసుకున్నాడు. ఇప్పుడు ఫ్రెష్ గా ప్రేమలో పడ్డాడు. ఈయన లవర్ పేరు గౌరీ స్ప్రాట్. ప్రస్తుతం ఈమెతోనే సహజీవనం చేస్తున్నాడు.
