కిరణ్ అబ్బవరం నటించిన ‘దిల్ రుబా’ ఈ నెల 14న విడుదల కానుంది. ఈ సందర్భంగా కిరణ్ తో ముచ్చట్లు.
“దిల్ రూబా”కు యూత్ తో పాటు ఫ్యామిలీ ఆడియెన్స్ బాగా కనెక్ట్ అవుతారు. ఫ్యామిలీ ఆడియెన్స్ ను ఇబ్బందిపెట్టే ఒక్క మాట, ఒక్క సీన్ కూడా మూవీలో ఉండదు. నేను చేసిన సిద్ధు క్యారెక్టరైజేషన్ అందరికీ నచ్చుతుంది. నేను ఇలాంటి క్యారెక్టర్ చేయలేదు. గతంలో నేను చేసిన చిత్రాల్లో సెటిల్డ్ పర్ ఫార్మెన్స్ చూశారు. ఈ చిత్రంలో నేను కొత్తగా కనిపిస్తా. మూవీ చాలా ఇంటెన్స్ గా ఉంటుంది.
– మేం మూడేళ్ల క్రితమే ఈ సినిమా మొదలుపెట్టాం. అప్పటికి డ్రాగన్, సంక్రాంతికి వస్తున్నాం సినిమాలు మొదలే కాలేదు. కాబట్టి వాటితో మా సినిమాలకు పోలిక లేదు.
– సినిమా నా పేరు మీద థియేటర్స్ లోకి వస్తుంది కాబట్టి నేను మూవీ మేకింగ్ లో ఎంతవరకు ఇన్వాల్వ్ అవ్వాలో అక్కడివరకు అవుతాను. హీరోగా అది నా బాధ్యతగా భావిస్తా.
– సినిమాల స్పీడ్ పెంచుతా. ఈ ఏడాది రెండు చిత్రాలు విడుదల అవుతున్నాయి. దిల్ రుబాతో పాటు మరోటికి. వచ్చే ఏడాది నుంచి ఏడాదికి మూడు సినిమాలు రిలీజ్ చేసుకునేలా ప్లాన్ చేస్తా.
– గతంలో కొన్ని మూవీస్ మొహమాటానికి చేసినవి ఉన్నాయి. ఇకపై మంచి కథలు సెలెక్ట్ చేసుకుంటూ వెళ్తా. ‘క’ సినిమా తర్వాత ప్రేక్షకులు నన్ను చూసే తీరు మారింది. మంచి సినిమా చేయాలని కష్టపడుతున్నాడు అనే పాజిటివ్ ఒపీనియన్ నాపై మొదలైంది. దాన్ని కాపాడుకుంటూ జర్నీ చేస్తా. ప్రస్తుతం నాలుగు చిత్రాలు చేస్తున్నా. ఈ నాలుగు చిత్రాలు వేటికవి పూర్తిగా భిన్నమైనవి.
