‘కన్నప్ప’లో చాలామంది స్టార్స్ ఉన్నారు. మంచు విష్ణు, మోహన్ బాబు, మోహన్ లాల్, అక్షయ్ కుమార్, శరత్ కుమార్ ఇలా చాలామంది నటించారు. అయితే ఎంతమంది ఉన్నప్పటికీ, విష్ణు మాత్రం ప్రభాస్ నే నమ్ముకున్నాడు. ప్రభాస్ ఇమేజ్ అలాంటిది మరి.
ప్రభాస్ ఫ్యాన్స్, తన చిత్రానికి బ్రహ్మరథం పడతారని విష్ణు ఊహిస్తున్నారు. అందుకే ముందువెనక ఆలోచించకుండా బడ్జెట్ పెట్టాడు.
‘కన్నప్ప’ రేపే విడుదల అవుతోంది. అన్ని భాషల్లో భారీగా రిలీజ్ ఉంది. అడ్వాన్స్ బుకింగ్స్ లో ట్రెండ్ మొదలైంది. చాలా మెల్లగా సీట్లు నిండుతున్నాయి. ఐతే, ప్రభాస్ ఫ్యాన్స్ ఇంకా బుకింగ్స్ మొదలుపెట్టలేనట్లు కనిపిస్తోంది.
సినిమా రిలీజైన తర్వాత పాజిటివ్ టాక్ వచ్చి, ప్రభాస్ పాత్ర గట్టిగా క్లిక్ అయితే ‘కన్నప్ప’కు తిరుగుండదు. మరి ప్రభాస్ మేనియా పని చేస్తుందా? ఈ సినిమాకి ప్రభాస్ డబ్బులు తీసుకోలేదు. విష్ణు, మోహన్ బాబుతో ఉన్న అనుబంధం కారణంగా ఫ్రీగా చేశారు. కానీ ప్రభాస్ పాత్ర బాగుంది అని, అది సినిమాకి హెల్ప్ అవుతుంది అని విష్ణు నమ్ముతున్నాడు. మరి ప్రభాస్ ఫ్యాన్స్ ఏమి చేస్తారో చూడాలి.
