ఈమధ్య ఒకేసారి 2 సినిమాలకు సంబంధించిన లుక్స్ లీక్ అయ్యాయి. వీటిలో ఒకటి ‘పుష్ప-2’ నుంచి కాగా, రెండోది ‘కన్నప్ప’ సినిమా నుంచి. అయితే లుక్ లీకైన వెంటనే ‘పుష్ప-2’ యూనిట్ అప్రమత్తమైంది. అదే పని ‘కన్నప్ప’ యూనిట్ చేయలేకపోయింది.
‘పుష్ప-2’ సినిమాకు సంబంధించి ప్రస్తుతం రామోజీ ఫిలింసిటీలో ఐటెంసాంగ్ షూటింగ్ జరుగుతోంది. ఇందులో శ్రీలీల చేస్తోంది. ఈ ఐటెంసాంగ్ షూట్ కు సంబంధించి శ్రీలీల-బన్నీ ఉన్న లుక్ లీకైంది.
ఇలా లుక్ లీక్ అయిందో లేదో అలా యూనిట్ అప్రమత్తమైంది. తమ సినిమాలో శ్రీలీల ఉందంటూ.. ఆమె ఫస్ట్ లుక్ ను అఫీషియల్ గా విడుదల చేసేసింది. అదే పని ‘కన్నప్ప’ యూనిట్ మాత్రం చేయలేదు.
మంచు విష్ణు నటిస్తున్న ‘కన్నప్ప’ సినిమాలో ప్రభాస్ ఓ కీలక పాత్ర పోషిస్తున్న సంగతి తెలిసిందే. రేపోమాపో అతడి లుక్ ను విడుదల చేయాలనేది ప్లాన్. అంతలోనే ఓ వ్యక్తి ప్రభాస్ లుక్ ను లీక్ చేశాడు. అతడ్ని పట్టుకున్నారు కూడా.
ఇంతవరకు బాగానే ఉంది కానీ, ఇప్పటికే చాలామంది మొబైల్ ఫోన్స్ లోకి ప్రభాస్ లుక్ వెళ్లిపోయింది. చాలామంది దాన్ని స్క్రీన్ సేవర్స్ గా, వాల్ పేపర్స్ గా పెట్టేసుకున్నారు కూడా. ఇంత జరిగిన తర్వాత వెంటనే ఆ లుక్ ను అధికారికంగా రిలీజ్ చేస్తే బాగుండేది. కానీ ‘కన్నప్ప’ టీం ఇంతవరకు ఆ పని చేయలేదు.
