బాలీవుడ్ నటి సుర్వీన్ చావ్లా ప్రస్తుతం “రానా నాయుడు 2” (Rana Naidu 2)ను ప్రమోట్ చేస్తోంది. వెంకటేష్, రానా ప్రధాన పాత్రలు పోషించిన వెబ్ సిరీస్ ఇది. మొదటి సీజన్ లో కూడా నటించింది సుర్వీన్ చావ్లా. త్వరలోనే నెట్ ఫ్లిక్స్ లో రెండో సీజన్ విడుదల కానుంది. ఈ సందర్భంగా ఆమె ఇచ్చిన ఒక ఇంటర్వ్యూలో తాను ఎదుర్కున్న అనుభవాలను బయటపెట్టింది.
సుర్వీన్ చావ్లా అనేక తమిళ, హిందీ, పంజాబీ చిత్రాలలో నటించింది. ఒక తెలుగు చిత్రం చేసింది. రాజు మహారాజ్ (2009) అనే ఒకే తెలుగుసినిమాలో నటించింది కాబట్టి ఆమెకి ఇక్కడ పెద్ద ఇబ్బందులు ఎదురుకానట్లు ఉన్నాయి
ఇటీవల ఈ భామ బాలీవుడ్‌లో తాను ఎదుర్కొన్న కొన్ని షాకింగ్ కాస్టింగ్ కౌచ్ అనుభవాలను వెల్లడించింది. ఇప్పుడు తమిళ్ సినిమా ఇండస్ట్రీలో ఎదుర్కొన్న విషయాలను బయట పెట్టింది.
జాతీయ అవార్డు గెలుచుకున్న ఒక తమిళ చిత్రనిర్మాత, దర్శకుడు తనతో ఎలా పడుకోవాలనుకున్నారో ఆమె చెప్పింది.
“ఆ దర్శకుడికి హిందీ రాదు. ఇంగ్లీష్ రాదు. మాలాంటి పరభాషా వాళ్ళతో మాట్లాడేందుకు అంటూ తన మిత్రుడిని పరిచయం చేశాడు. కానీ ఆ ఫ్రెండ్ పని ఏంటి అంటే హీరోయిన్లను ఒప్పించి ఆ డైరెక్టర్ తో కమిట్ అయ్యేలా చెయ్యడం. దర్శకుడికి నువ్వు నచ్చావామ్మా… ఓన్లీ సినిమా షూటింగ్ పూర్తి అయ్యేంతవరకు మాత్రమే కమిట్ మెంట్ ఇవ్వు అమ్మా…. ఆ తర్వాత నిన్ను డిస్టర్బ్ చెయ్యమని ఆ దర్శకుడి ఫ్రెండ్ ప్రపోజల్ పెట్టాడు,” అని ఆమె ఆ డైరెక్టర్ పద్దతి ఎలా ఉండేదో తెలిపింది.
ఇలాంటివన్నీ ఫేస్ చెయ్యలేకే సౌత్ లో ఎక్కువ సినిమాలు చెయ్యలేదు అని పేర్కొంది.
