శృతిహాసన్ కు పాటలంటే ప్రాణం అనే సంగతి తెలిసిందే. ఖాళీ టైమ్ దొరికితే ఇంట్లో కీబోర్డ్ ముందు కూర్చొని ఏదో ఒక పాట హమ్ చేస్తుంది. అది కూడా ఒరిజినల్ సాంగ్. ఆ పాటను వెంటనే ఇనస్టాగ్రామ్ లో అప్ లోడ్ కూడా చేస్తుంది.
ఇలా పాటలపై తనకున్న మక్కువను ఎప్పటికప్పుడు ప్రదర్శిస్తూనే ఉంది. అందుకే ఓవైపు హీరోయిన్ గా కొనసాగుతున్నప్పటికీ, సింగింగ్ ప్రొఫెషన్ ను మాత్రం ఆమె వదల్లేదు. ఈ క్రమంలో మరో క్రేజీ ప్రాజెక్టులోకి ఎంటరైంది శృతిహాసన్.
వెంకట్ ప్రభు దర్శకత్వంలో కోలీవుడ్ స్టార్ విజయ్ ” (ది గ్రేటెస్ట్ ఆఫ్ ఆల్ టైమ్) అనే సినిమా చేస్తున్న సంగతి తెలిసిందే. ఈ సినిమాలో శృతిహాసన్ ఓ పాట పాడింది. యువన్ శంకర్ రాజా కంపోజ్ చేసిన ఈ సాంగ్ ను త్వరలోనే విడుదల చేయబోతున్నారు.
రీసెంట్ గా ఓ ఒరిజినల్ సాంగ్ రిలీజ్ చేసింది శృతిహాసన్. అందులో దర్శకుడు లోకేశ్ కనగరాజ్ తో కలిసి రొమాన్స్ చేసింది. ఇప్పుడు ఇలా విజయ్ సినిమా సాంగ్ తో ప్రేక్షకుల ముందుకొస్తోంది. ఈ సాంగ్ చాలా స్పెషల్ అంటోంది యూనిట్. అది ఎందుకంత స్పెషల్ అనేది మరికొన్ని రోజుల్లో తేలిపోతుంది.
