వయసురీత్యా వచ్చిన ఆరోగ్య సమస్యలతో బాధపడుతున్నారు సీనియర్ నటుడు కోట శ్రీనివాసరావు. ఆయన ఆరోగ్యంపై ఎప్పటికప్పుడు పుకార్లు వస్తూనే ఉన్నాయిు. ఒక దశలో కోట శ్రీనివాసరావు కన్నుమూశారంటూ కొన్ని హ్యాండిల్స్ లో పుకార్లు కూడా వచ్చాయి. వాటిని ఆయన ఖండించారు.
మరి ఇప్పుడు కోట శ్రీనివాసరావు ఎలా ఉన్నారు? తాజాగా నటుడు-నిర్మాత బండ్ల గణేశ్, కోట శ్రీనివాసరావును పలకరించారు. ఆయనతో దిగిన ఫొటోను పోస్టు చేశారు. అందులో కోట చాలా బలహీనంగా ఉన్నారు.
మరీ ముఖ్యంగా ఆయన కాళ్లు బాగా చెడిపోయాయి. కాలి బొటనవేలు తొలిగించినట్టు కనిపిస్తోంది. మరో కాలికి కట్టు కనిపిస్తోంది. మనిషి కూడా బక్కచిక్కిపోయారు. చూస్తుంటే, ఆయన షుగర్ తో ఇబ్బంది పడుతున్నట్టు స్పష్టంగా కనిపిస్తోంది.
అయినప్పటికీ తను ఉన్నంతలో ఆరోగ్యంగానే ఉన్నానని చెప్పే ప్రయత్నం చేశారు కోట. వయసు రీత్యా కొన్ని ఆరోగ్య సమస్యలు వస్తుంటాయి. వాటిని అధిగమిస్తూ ముందుకుసాగడమే జీవితం. కోట ఇప్పుడు అదే దశలో ఉన్నారు.
