“మ్యాడ్” సినిమాలో నటించిన శ్రీ గౌరీప్రియ అచ్చ తెలుగు అమ్మాయి. ఆ సినిమాలో నటించిన తర్వాత తమిళంలో మంచి అవకాశాలు అందిపుచ్చుకొంది. ఇప్పుడు తెలుగులో మళ్ళీ సినిమాలు లాగేసుకుంటోంది.
ఇటీవల కిరణ్ అబ్బవరం సరసన “చెన్నై లవ్ స్టోరీ” అనే సినిమా ఆఫర్ పొందింది. ఇప్పుడు సైలెంట్ గా “వీసా” అనే మరో ప్రేమకథా చిత్రం పూర్తి చేసింది.
“VISA – వింటారా సరదాగా” అనే ఈ కొత్త సినిమా అమెరికా నేపథ్యంలో సాగే కథ. ఈ మూవీ టీజర్ అద్భుతంగా విడుదలైంది. అశోక్ గల్లా హీరోగా నటిస్తున్నాడు. అతని సరసన శ్రీ గౌరీ ప్రియ నటిస్తోంది. ఇంటి నుండి దూరంగా జీవితాన్ని గడుపుతున్న ఒక తరం జీవితాలను ప్రతిబింబించేలా వీరి పాత్రలు ఉన్నాయి.
ఉద్భవ్ రఘు దర్శకుడిగా అరంగేట్రం చేస్తున్న ‘VISA – వింటారా సరదాగా’ ఈ సినిమాని సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు.
