పవన్ కల్యాణ్ ను ఇమిటేట్ చేయడంలో ముందుంటాడు హీరో నితిన్. కొన్ని సందర్భాల్లో అతడి మేనరిజమ్స్ చూస్తే, క్లియర్ గా పవన్ ను ఫాలో అయిపోతున్నాడని ఇట్టే అర్థమైపోతుంది. అయితే దానికి నితిన్ నామోషీ ఫీల్ అవ్వడు. తను పవన్ కు వీరాభిమానినని, కొన్నిసార్లు అతడ్ని అనుకరిస్తుంటానని ఒప్పుకుంటాడు.
ఇప్పటికే పవన్ కల్యాణ్ పాటను రీమిక్స్ చేసిన ఈ నటుడు, ఇప్పుడు ఏకంగా పవన్ కల్యాణ్ సినిమా టైటిల్ వాడేస్తున్నాడు. అదే ‘తమ్ముడు’. అయితే గమ్మత్తుగా ఈ సినిమా టైటిల్ పెట్టొద్దని మేకర్స్ ను కోరాడట నితిన్.
పవన్ కల్యాణ్ నటించిన సూపర్ హిట్ సినిమా ‘తమ్ముడు’. అలాంటి టైటిల్ ను తన సినిమా కోసం వాడేస్తే, ఒత్తిడి ఫీలవుతానని అన్నాడట. పైగా ఇప్పటికే పవన్ ను అనుకరిస్తున్నాననే రిమార్క్ ఉందని, ఇప్పుడు ఆయన సినిమా టైటిల్ ను కూడా కాపీ కొడితే పవన్ ఫ్యాన్స్ హర్ట్ అవుతారని అన్నాడట.
అయితే దర్శకుడు, నిర్మాత కలిసి నితిన్ ను ఒప్పించారట. ఈ కథకు ‘తమ్ముడు’ అనే టైటిల్ మాత్రమే సూట్ అవుతుందన్నారంట. అలా అయిష్టంగానే నితిన్ ఒప్పుకున్నాడట.
