మైత్రి మూవీ మేకర్స్ సంస్థ నిర్మిస్తోన్న ప్రేమకథాచిత్రం… ‘8 వసంతాలు’. ఈ సినిమాలో అనంతిక సనీల్‌కుమార్ నటించింది. ఆమె ఇంతకుముందు సూపర్ హిట్ “మ్యాడ్” చిత్రంలో నటించింది. ఈ కొత్త సినిమా గురించి ఈ భామ చెప్తున్న విశేషాలు చూద్దాం. ‘8 వసంతాలు’ ఈ నెల 20న విడుదల కానుంది.
ఈ కథంతా మీ చుట్టూనే నడుస్తుందా?
ఈ కథలో అమ్మాయి పాత్ర కీలకం. ఐతే, ఇది పూర్తిగా లేడి ఓరియెంటెడ్ చిత్రం కాదు. ఇతర పాత్రలు కూడా కీలకం. కథలో చాలా లెటర్స్ ఉన్నాయి. యాక్షన్ తో కూడిన లవ్ స్టొరీ చేయాలన్న కోరిక తీరింది. ఇందులో కుదిరాయి. స్క్రిప్ట్ చదివి ఏడ్చేశాను. అంత ఎమోషన్ ఉంది. శుద్ధి యోగ్య అనే అమ్మాయిగా కనిపిస్తాను. ఆమె ఒక రచయిత. మార్షల్ ఆర్ట్స్ నేపథ్యం కూడా ఉంటుంది.
ఇది చాలా ప్యూర్ లవ్ స్టోరీ. ఒక జీవితాన్ని చూస్తున్న అనుభూతి కలుగుతుంది. అందరూ కనెక్ట్ అవుతారు.
ఈ సినిమా కోసం ఏదైనా శిక్షణ తీసుకున్నారా?
అవును.. కళరి ఫైట్ నేర్చుకున్నాను. అలాగే Wing Chun అనే చైనీస్ ఆర్ట్ ఫామ్ ని కూడా నేర్చుకున్నాను. దాని కోసం మూడు నెలలు అంజి మాస్టర్ దగ్గర ట్రైనింగ్ తీసుకున్నాను. దర్శకుడు ఫణీంద్ర గారు నాకు గురువు లాంటి వారు. ఆయన చెప్పింది చేశాను.
మీరు యాక్టర్ కావాలనేది మీ కోరికా?
నిజం చెప్పాలంటే పొలిటీషియన్ అవ్వాలని ఉంది నా కోరిక. అందుకే లా చదువుతున్నాను. అయితే అది ఇప్పుడు కాదు నాకు ఒక 40 ఏళ్ళు వచ్చిన తర్వాత రాజకీయనాయకురాలిగా మారుతాను.
