సినిమా చిన్నదా పెద్దగా అని చూడడం లేదు ఆడియన్స్. బాగుందా లేదా అని మాత్రమే చూస్తున్నారు. బాగుంటే చిన్న సినిమాకైనా వంద కోట్లు కట్టబెడుతున్నారు. ఇప్పుడీ లిస్ట్ లోకి మహారాజ కూడా చేరే అవకాశం ఉంది.
విజయ్ సేతుపతి హీరోగా నటించిన ఈ సినిమా ప్రపంచవ్యాప్తంగా 88 కోట్ల రూపాయల గ్రాస్ సాధించింది. విజయవంతంగా రెండో వారంలోకి అడుగుపెట్టింది.ఇదే ఊపు ఇంకా ఉంటే సినిమా వంద కోట్ల మార్క్ కు చేరుకుంటుందని ట్రేడ్ అంచనా వేస్తోంది.
ఐతే, ఈ గురువారం ప్రభాస్ హీరోగా రూపొందిన “కల్కి 2898 AD” సినిమా థియేటర్లలోకి వస్తోంది. ఆ సినిమా వచ్చిన తర్వాత “మహారాజ” సినిమాకు కలెక్షన్లు పడిపోయే ఛాన్స్ ఉంది. అందుకే ఈ సినిమా 100 కోట్ల గ్రాస్ మార్క్ ని అందుకుంటుందా లేదా అనేది ఆసక్తికరంగా మారింది.
నితిలన్ స్వామినాధన్ దర్శకత్వం వహించిన ఈ సినిమా తమిళ్ లో మంచి విజయం సాధించి. తెలుగులో మోస్తరుగా ఆడింది. ఐతే, “కల్కి” వల్ల ఈ సినిమాకి దెబ్బ పడేలా ఉంది.
