సూర్యకి తాజాగా జ్ఞానోదయం అయింది. కమల్ హాసన్ లా, విక్రమ్ లా కొన్నాళ్ళూ గెటప్ ల పిచ్చిలో పడి కొన్ని సినిమాలు చేశాడు. అవి జాడించి తన్నాయి. ముఖ్యంగా ఇటీవల చేసిన కంగువ, రెట్రో చిత్రాల ఫలితాలతో కళ్ళు బైర్లు కమ్మాయి సూర్యకి.
‘కంగువ’ సినిమా కోసం ఏకంగా మూడేళ్లు కేటాయించాడు. ‘రెట్రో’కి ఏడాదిన్నర పాటు వర్క్ చేశాడు. రెండూ దారుణంగా ఫ్లాప్. దాంతో, ఇక అలాంటి సినిమాలు వద్దు అంటున్నాడు సూర్య. ఎవరైనా అలాంటి ప్రపోజల్ తో వస్తే నో చెప్పేస్తున్నాడు. తాజాగా దర్శకుడు వెట్రిమారన్ సినిమాని కూడా రద్దు చేశాడు. వాడివాసల్ (Vaadivaasal) పేరుతో ఇంతకుముందే ప్రకటించిన ఈ సినిమాని చెయ్యకూడదని నిర్ణయించుకున్నాడు సూర్య.
అలాంటి ప్రయోగాలు పెట్టి సింపుల్ కథతో స్పీడ్ గా పూర్తి అయ్యే సినిమాలు ఒప్పుకుంటున్నాడు. తాజాగా తెలుగు దర్శకుడు వెంకీ అట్లూరి డైరెక్షన్లో ఒక సినిమా ఒప్పుకున్నాడు. అది వచ్చే వేసవి నాటికి విడుదల అవుతుంది. ఆ తరువాత కూడా స్పీడ్ గా సినిమాలు పూర్తి చేసే దర్శకులకు అవకాశం ఇస్తానని చెప్తున్నాడు.
ఎక్కువ హడావిడి లేని ప్రాజెక్ట్స్, అందరికీ కనెక్ట్ కథలు మొదటి ప్రాధాన్యం అని చెప్తున్నాడు.
