బెల్లంకొండ సాయిశ్రీనివాస్ హీరోగా నటించిన ‘భైరవం’ సినిమా రేపు (మే 30) విడుదల కానుంది. ఈ సినిమాకి సంబంధించిన ఒక ప్రమోషనల్ వీడియో వచ్చింది. మంచు మనోజ్, బెల్లంకొండ సాయిశ్రీనివాస్, నారా రోహిత్ కూర్చొని క్యారమ్స్ అడుతుంటే, అక్కడికి సాయిదుర్గతేజ్ వస్తాడు ఆ వీడియోలో. నలుగురూ కలిసి సరదాగా మాట్లాడుకున్నారు.
ఈ చిట్ చాట్ లో బెల్లంకొండ పెళ్లిపై ఆసక్తికర వ్యాఖ్యలు చేశాడు సాయిదుర్గతేజ్.
మంచు మనోజ్ కు పెళ్లయిపోయిందని, నారా రోహిత్ కు త్వరలోనే పెళ్లవుతుందని, తనకు ఈ జీవితంలో పెళ్లి కాదని అన్నాడు. అదే టైమ్ లో సాయిశ్రీనివాస్ గురించి మాట్లాడుతూ.. ఓ పెద్ద కుటుంబానికి చెందిన యువరాణి సాయిశ్రీనివాస్ కోసం సిద్ధంగా ఉందంటూ లీకులిచ్చాడు.
సాయిదుర్గతేజ్ యువరాణి అనగానే, మంచు మనోజ్ కూడా అవును…అవును అంటూ తలూపాడు.
షూటింగ్ గ్యాప్స్ లో 2-3 గంటలు ఒక్కోసారి సాయిశ్రీనివాస్ కనిపించడని, యువరాణిని కలవడానికి వెళ్లిపోతుంటాడని అన్నాడు. బెల్లంకొండ పెళ్లాడబోయే ఆ యువరాణి ఎవరనే చర్చ మొదలైంది.
