తనను దేవుడు అందంగా పుట్టించాడంటూ ఈమధ్య ఓపెన్ గా స్టేట్ మెంట్ ఇచ్చింది రకుల్. అయితే ఆ అందంతో పాటు కూసింత అదృష్టం కూడా ఇచ్చుంటే బాగుండేది. ఆమె కెరీర్ కు అర్జెంట్ గా ఓ బూస్ట్ అవసరం.
రకుల్ తెలుగులో స్ట్రయిట్ సినిమా చేసి చాన్నాళ్లయింది. ఇంకా సూటిగా చెప్పాలంటే టాలీవుడ్ నుంచి ఆమెకు అవకాశాలు రావడం లేదు.
‘భారతీయుడు-2’ సినిమాతో సౌత్ లో మరోసారి పాపులర్ అవుదామనుకుంది ఈ బ్యూటీ. కానీ ఆ సినిమా ఆమె ఇమేజ్ ను, కెరీర్ ను మరింత డ్యామేజీ చేసింది తప్ప, ఒక్క శాతం కూడా కలిసిరాలేదు.
అటు బాలీవుడ్ లో ఆమె వరుసపెట్టి సినిమాలు చేస్తోంది. అవకాశాలు కూడా అలానే వస్తున్నాయి. కానీ అక్కడ కూడా ఏదో వెలితి. సరైన సక్సెస్ రావడం లేదు. ఇలానే కొనసాగితే, కొన్నాళ్లకు బాలీవుడ్ తలుపులు కూడా మూసుకుపోతాయి.
ఈ టెన్షన్ రకుల్ కు కూడా ఉంది. అందుకే ఓవైపు హిట్ కోసం గట్టిగా ప్రయత్నిస్తూనే, మరోవైపు బిజినెస్ పై సీరియస్ గా దృష్టి పెట్టింది. పనిలోపనిగా దేవుడిచ్చిన అందాన్ని మరింత ఎలివేట్ చేస్తోంది.
