వాణి కపూర్ కి పాక్ షాక్!

వాణి కపూర్ గురించి పరిచయం అక్కర్లేదు. బాలీవుడ్ లో పలు సినిమాలు చేసింది. తెలుగులో కూడా నాని సరసన ఒక సినిమా చేసింది. ఐతే ఇటీవల కాలంలో ఆమె కెరీర్ అనేక సంక్షోభాలు చూస్తోంది. తాజాగా పాక్ వల్ల ఆమె కెరీర్ కి షాక్ తగిలింది.

వాణి కపూర్ నటించిన తాజా హిందీ చిత్రం… అబిర్ గులాల్. మే 9న విడుదలకు సిద్ధం అవుతోంది ఈ మూవీ. ఐతే, ఈ సినిమాలో హీరోగా నటించింది పాకిస్తాన్ కి చెందిన ఫహద్ ఖాన్. అదే సమస్యల్లోకి నెట్టింది వాణి కపూర్.

పహల్గామ్ ఉగ్రవాది దాడి నేపథ్యంలో పాకిస్తాన్ నటులకు సంబంధించిన అన్ని చిత్రాలను నిషేధించాలనే వాదన పెరిగింది. ఈ సినిమాని బాయ్ కాట్ చేస్తామని నెటిజన్స్ ట్రెండింగ్ చేశారు. దాంతో, ఈ సినిమా నిర్మాతలు ప్రస్తుతం విడుదలని ఆపేశారు.

మళ్ళీ ఎప్పుడు విడుదలవుతుందో, అవుతుందో లేదో కూడా చెప్పలేం. అసలే సినిమాలు లేవు, ఆఫర్లు రావడం లేదని బాధపడుతున్న వాణి కపూర్ కెరీర్ కి పాక్ టెర్రరిస్టుల దుశ్చర్య శాపంగా మారింది.