త్రిష జోరు తగ్గట్లేదు

హీరోయిన్ త్రిష ఈ రోజు 41వ పుట్టిన రోజు జరుపుకొంది. సాధారణంగా హీరోయిన్లకు 40లోపే కెరీర్ ముగిసిపోతుంది. 40 తర్వాత వదిన, అక్క పాత్రలు మాత్రమే దక్కుతాయి. కానీ త్రిష ఇప్పటికీ హీరోయిన్ గా బిజీగా ఉంది. ఆమె చేతిలో ఉన్న సినిమాల లిస్ట్ ఏంటో చూద్దాం.

తమిళంతో పాటు తెలుగు, మలయాళ భాషల్లో కూడా ఆమె జోరు కొనసాగుతోంది.

1. విశ్వంభర

ఇందులో మెగాస్టార్ చిరంజీవి సరసన నటిస్తోంది త్రిష. 2006లో విడుదలైన ‘స్టాలిన్’ తర్వాత ఆమె చిరంజీవితో చేస్తున్న మూవీ ఇది. సంక్రాంతి 2025న విడుదల కానుంది ‘విశ్వంభర.

2. థగ్ లైఫ్

మణిరత్నం తీస్తున్న మరో భారీ చిత్రమిది. ఇందులో ఆమె కమల్ హాసన్ సరసన నటిస్తోంది. ఇంతకుముందు కమల్ తో ఆమె “చీకటి రాజ్యం” సినిమాలో నటించారు.

3. విడా మూయర్చి

అజిత్ సరసన ఆమె నటిస్తున్న భారీ చిత్రం ఇది. తమిళంలో ఆమె నటిస్తున్న రెండు పెద్ద చిత్రాల్లో ఇది ఒకటి. ఈ సినిమా షూటింగ్ దాదాపు పూర్తి అయింది.

4. ఐడెంటిటీ

మోహన్ లాల్ సరసన మలయాళంలో నటించేందుకు ఆమె ఒప్పుకున్న చిత్రం…రామ్. ఐతే అది చాలా కాలంగా నిర్మాణంలో ఉండిపోయింది. ఇప్పటికే నాలుగేళ్లు అయింది. ఎప్పుడు విడుదల అవుతుందో చెప్పలేం. ఆ సినిమాని పక్కన పెడితే ఆమె తాజాగా తమిళంలో చేస్తున్న చిత్రం… ఐడెంటిటీ.