హీరోయిన్లంతా ఆ గుడి బాట పట్టారు!

ఇటీవల హీరోయిన్లు అందరూ ఆ దేవాలయంలో పూజలు చెయ్యడం మొదలుపెట్టారు. జాన్వీ కపూర్, రకుల్ ప్రీత్ సింగ్, తమన్నా, శృతి హాసన్, రాణి ముఖర్జీ, ప్రీతి జింటా, కంగన రనౌత్, ఊర్వశి రౌటేలా… ఇలా పలువురు సినిమా తారలు గతేడాది కాలంలో ఆ దేవాలయాన్ని సందర్శించి పూజలు చేశారు.

ఆ ప్రసిద్ధి చెందిన గుడి అస్సాంలో ఉంది. కామాఖ్య దేవి ఆలయం అది. 51 శక్తిపీఠాల్లో నాలుగో శక్తిపీఠం ఈ దేవాలయం. మనదేశంలో చాలా పురాతనమైన దేవాలయాల్లో ఒకటి. అలాగే మహిళల పునరుత్పత్తి శక్తిని గర్వంగా సంబరాలు జరపడం ఈ దేవాలయంలో ఆచారం.

సంయుక్త కూడా తాజాగా ఈ దేవాలయాన్ని సందర్శించింది. ప్రత్యేక పూజలు చేసింది. ఆ ఫోటోలను తన సోషల్ మీడియాలో షేర్ చేసింది.

సాధారణంగా ఈ గుడిలో పెళ్లి కావాలనుకునే మహిళలు, పెళ్లయ్యాక పిల్లలు కలగాలని కోరుకునే స్త్రీలు ప్రత్యేక పూజలు చేస్తారు. సంయుక్త పెళ్లి కోసమే వెళ్లిందా?

ALSO READ: Will Samyuktha’s game plan succeed?

సంయుక్త తెలుగులో “భీమ్లా నాయక్”, “బింబిసార”, “సార్”, “విరూపాక్ష” వంటి హిట్ చిత్రాల్లో నటించింది. ప్రస్తుతం ఆమె నిఖిల్ సిద్ధార్థ్ సరసన “స్వయంభు” అనే సినిమాలో నటిస్తోంది. ఇక బాలీవుడ్ లో కూడా అవకాశాల కోసం ప్రయత్నిస్తోంది. ఒక బాలీవుడ్ సంస్థతో ఇప్పటికే చర్చలు జరిగాయట.