దేశం విడిచి వెళ్లను: సైఫ్

ఖతార్ లో తనకు చాలా సురక్షితంగా అనిపించిందని, అందుకే అక్కడ ఓ ఇల్లు కొన్నానని తెలిపాడు నటుుడ సైఫ్ అలీఖాన్. తనకుతాను సొంతంగా నిర్ణయం తీసుకొని ఆ ఇల్లు కొనేశాడు. భార్య కరీనాకు కూడా ఇంకా చూపించలేదు.

త్వరలోనే తన కుటుంబానికి ఆ ఇల్లు చూపిస్తానని అంటున్నాడు సైఫ్. ముంబయి నుంచి ఖతార్ కు చాలా ఈజీగా ప్రయాణం చేయొచ్చని, ఖతార్ వాతావరణం కూడా అద్భుతంగా ఉందని కొనియాడాడు. అందుకే ఉన్నఫలంగా ఖతార్ లో ఇల్లు కొనుగోలు చేశానంటున్నాడు ఈ సీనియర్ నటుడు.

ఈమధ్య సైఫ్ పై కత్తితో దాడి జరిగింది. ఈ క్రమంలో ఆయన ఇండియా నుంచి ఖతార్ కు తరలిపోతున్నాడనే ప్రచారం నడిచింది. అయితే ఈ ప్రచారంలో నిజం లేదని స్పష్టం చేశాడు సైఫ్. తను ముంబయిలోనే ఉంటానని, అప్పుడప్పుడు ఖతార్ వెళ్తానని, అవసరమైతే తన కుటుంబాన్ని ఖతార్ లో ఉంచుతానని క్లారిటీ ఇచ్చాడు.

‘దేవర’లో విలన్ గా నటించాడు సైఫ్. ఆ సినిమా పార్ట్-2 ఇంకా సెట్స్ పైకి రాలేదు. ప్రస్తుతం ఈ నటుడి చేతిలో చాలా ప్రాజెక్టులున్నాయి.