‘రెట్రో’ మూడ్ లో పూజాహెగ్డే!

పూజా హెగ్డేను మోడ్రన్ లుక్ లో చూడ్డానికే ఎక్కువమంది ఇష్టపడతారు. ఎందుకంటే ఆమె ఫిజిక్ అలాంటిది. కాళ్లు కనిపించేలా వేసే మైక్రో డ్రెస్సులే ఆమెకు బాగుంటాయి. ఆమె కూడా ఎక్కువగా తన అందాల ప్రదర్శనకే ప్రాధాన్యం ఇస్తుంది. ఇలాంటి బ్యూటీ ఇప్పుడు ఒక్కసారిగా రెట్రో స్టయిల్ లోకి మారిపోయింది.

నిండుగా చీర ధరించి పోజులిచ్చింది. ఏమాటకామాట చెప్పుకోవాలి, చీరకట్టులో కూడా పూజాహెగ్డే చాలా అందంగా ఉంది. ప్రస్తుతం ఈ ఫొటోలు సోషల్ మీడియాలో హల్ చల్ చేస్తున్నాయి.

కార్తీక్ సుబ్బరాజ్ దర్శకత్వంలో సూర్య సరసన ‘రెట్రో’ అనే సినిమా చేసింది పూజా హెగ్డే. ఆ సినిమా ప్రచారంలో భాగంగానే ఇలా ఓల్డ్ స్టయిల్ లోకి మారిపోయింది. కేవలం మోడ్రన్ గానే కాకుండా, ట్రెడిషనల్ గా కూడా కనిపించగలనని నిరూపించింది.

దాదాపు 2 సంవత్సరాల పాటు ఆమె బ్యాడ్ ఫేజ్ చూసింది. కానీ ఇప్పుడిప్పుడే పరిస్థితిలో మార్పు వచ్చింది. లాంగ్ గ్యాప్ తర్వాత 3 సినిమాలతో బిజీ అయిపోయింది పూజా. ‘రెట్రో’ రిలీజ్ కు రెడీ అయింది. విజయ్ చివరి చిత్రంలో కూడా నటిస్తోంది.

ఈ పెద్ద సినిమాలతో పాటు బాలీవుడ్ మూవీ కూడా ఉంది. తెలుగులో చివరిసారిగా ‘ఎఫ్-3’లో ఐటెంసాంగ్ చేసింది పూజాహెగ్డే. ‘గుంటూరు కారం’ సినిమా ఆమె చేజారింది.