ముందే జాగ్రత్తగా కట్ చేస్తున్నారు!

‘కుబేర’ సినిమా సెన్సార్ ఫార్మాలిటీస్ పూర్తయ్యాయి. రన్ టైమ్ ఏకంగా 3 గంటల 15 నిమిషాల 27 సెకెన్లు ఉంది. అయితే ఇక్కడ ట్విస్ట్ ఏంటంటే, ఇదంతా సినిమాలో కనిపించదు. దీనికి సంబంధించి నిర్మాత సునీల్ నారంగ్ ఇప్పటికే క్లారిటీ ఇచ్చారు.

ఆఖరి నిమిషంలో సెన్సార్ ఇబ్బందులు తలెత్తకూడదనే ఉద్దేశంతో, సెన్సార్ కాపీ సిద్ధం చేసి కాస్త ముందుగానే సెన్సార్ ఫార్మాలిటీస్ పూర్తిచేశారు. ఇప్పుడా 3 గంటల 15 నిమిషాల సినిమా నుంచి కొంత కట్ చేస్తారు.

మరి ఫైనల్ రన్ టైమ్ ఎంత ఉండొచ్చు. ‘కుబేర’ సినిమా 3 గంటల నిడివి దాటదనేది సునీల్ నారంగ్ మాట. అలా అని రెండున్నర గంటలు కూడా ఉండదంటున్నారు. ఇలాంటి కథను రెండున్నర గంటల్లో చెప్పలేమని కూడా చెబుతున్నారు.

సో.. ఫైనల్ వెర్షన్ లో ‘కుబేర’ సినిమా 2 గంటల 45 నిమిషాల నుంచి 3 గంటల వరకు ఉండొచ్చనేది టాక్. ధనుష్ హీరోగా నటించిన ఈ సినిమాలో రష్మిక హీరోయిన్ గా చేసింది. నాగార్జున కీలక పాత్ర పోషించారు. ఇది శేఖర్ కమ్ముల సినిమా.