రెండూ బ్యాలెన్స్ చేస్తాను: శ్రీలీల

శ్రీలీలతో కొత్త సినిమాల ముచ్చట్లు, లైఫ్, కెరీర్, ప్రేమ… ఇలా అన్నింటి గురించి మాట్లాడింది ఈ ‘రాబిన్ హుడ్’ బ్యూటీ….

‘గుంటూరు కారం’ తర్వాత లాంగ్ గ్యాప్ తీసుకున్నారు ఎందుకు?

అంతకుముందు ప్రతి నెల, రెండు నెలలకు ఒక సినిమా విడుదలకు సిద్ధమయ్యేది. దాంతో ఒక్కో రోజు అనేక షిఫ్ట్ లలో పని చేశాను. చివరి ఎంబీబీఎస్ చదువుతూ సినిమాల్లో నటిస్తున్నాను కాబట్టి చివరి ఏడాది సినిమాల హడావిడి లేకుండా చూసుకోవాలని ముందే ప్లాన్ చేసుకున్నాను. ఏడాది బ్రేక్ తీసుకోవాలని ముందే అనుకున్నాను. లక్కీగా నేను ఒప్పుకున్న సినిమాలన్నీ ‘గుంటూరు కారం’తో అయిపోయాయి. మిగిలిన ‘ఉస్తాద్ భగత్ సింగ్’ వాయిదా పడింది. ఇప్పుడు మెడిసిన్ పూర్తయింది.

ఎలాంటి పాత్రలు ఇష్టం?

అన్ని రకాల సినిమాలు ఇష్టం. కమర్షియల్ చిత్రాలు చేస్తూనే మంచి వ్యాల్యూస్ ఉన్న పాత్రలు, సినిమాలు చేయాలని అనుకుంటున్నాను. రెండూ బ్యాలెన్స్ చెయ్యాలి.

మీరు బాలీవుడ్ లో సెటిల్ అయిపోతున్నారు అంటున్నారు. హిందీ హీరోతో రొమాన్స్ అంటూ పుకార్లు…

తెలుగు ఇండస్ట్రీ నా సొంత ఇల్లు. బాలీవుడ్ లో సెటిల్ అవ్వాలి అనే ఆలోచనే లేదు. హిందీ సినిమాలో కార్తీక్ ఆర్యన్ సరసన నటిస్తున్నాను. రూమర్స్ గురించి చెప్పేదేముంది.

ఒప్పుకున్న సినిమాలు?

తమిళంలో “పరాశక్తి”, తెలుగులో రవితేజతో “మాస్ జాతర” సినిమాలు ఉన్నాయి. మరికొన్ని చిత్రాలు త్వరలో ప్రకటనలు వస్తాయి.