వీళ్లకు డబ్బు ఎలా వస్తోంది?

లక్ష్మీ రాయ్.. ఎప్పుడు చూసినా లగ్జరీ కార్లలో తిరుగుతుంది. ఖరీదైన హోటల్స్ లో బస. మెహ్రీన్.. ఎప్పుడు చూసినా విదేశాల్లో కనిపిస్తుంది, రిచ్ లైఫ్ ఎంజాయ్ చేస్తోంది. వేదిక.. ప్రతిసారి ఏదో ఒక లగ్జరీ రిసార్ట్ లో కనిపిస్తుంది.

పూనమ్ బజ్వా, ప్రియా వడ్లమాని, డింపుల్ హయతి, పాయల్ రాజ్ పుత్, ప్రియాంకా జవాల్కర్.. వీళ్లంతా స్టార్స్ కాదు. రెగ్యులర్ గా సినిమాలు కూడా చేయరు. మరి వీళ్లకు మెయింటెనెన్స్ కు ఇంత డబ్బు ఎలా వస్తోంది? అంత రిచ్ గా వీళ్లు ఎలా ఉండగలుగుతున్నారు?

ఒక్కసారి పాపులారిటీ వస్తే చాలు, సినిమాలు మాత్రమే ఇప్పుడు ఆదాయ మార్గాలు కావు. ఎన్నో దారులున్నాయి. వీళ్లంతా ఆ దారుల్లోనే వెళ్తున్నారు.. డబ్బు సంపాదిస్తున్నారు.

ఉదాహరణకు లక్ష్మీరాయ్ నే తీసుకుంటే, ఈమె ఓ షాప్ ఓపెనింగ్ కు వస్తే 5-6 లక్షలు తీసుకుంటుంది. మిగతా హీరోయిన్లు కూడా దాదాపు ఇదే మొత్తం అందుకుంటారు. ఇవి కాకుండా ఫొటోషూట్స్ ద్వారా వీళ్లు డబ్బులు సంపాదిస్తారు. అటు సోషల్ మీడియా ఉండనే ఉంది. ఇనస్టాగ్రామ్ లో పెయిడ్ ప్రమోషన్స్ చేస్తారు.

వీళ్ళందరికీ ఇన్ స్టాగ్రామ్ లో మంచి ఫాలోయింగ్ ఉంది. ఎప్పటికప్పుడు గ్లామరస్ ఫోటోలు షేర్ చేస్తారు. దాంతో ఫాలోవర్స్ పెరుగుతున్నారు. ఇన్ స్టాగ్రామ్ పాపులారిటీ వల్ల ఇన్ ఫ్లుయెన్సర్ ఆదాయం బాగానే వస్తోంది వీరికి.

ఇలా సినిమాల్లేకపోయినా, వీళ్లకు ఆదాయానికి ఢోకా లేదు. కాకపోతే స్టార్ హీరోయిన్లు ఒక్క సినిమాకు కోటి రూపాయలకు పైగా పారితోషికం తీసుకుంటే, వీళ్లు అంత సంపాదించడానికి పైన చెప్పిన చాలా మార్గాలు అనుసరించాల్సి వస్తుంది. అంతే తేడా.