పెళ్లి మాట ఎత్తితే గరం గరం!

మొన్ననే బ్రేకప్ అయింది, అంతలోనే పెళ్లి గురించి అడిగితే ఎలా.. అందుకే తమన్నాకు కోపం వచ్చింది. అప్పుడే పెళ్లి చేసుకోను అంటూ గట్టిగా సమాధానం ఇచ్చింది.

నటుడు విజయ్ వర్మతో ఆమె డేటింగ్ చేసిన సంగతి తెలిసిందే. ఈ విషయాన్ని వాళ్లే స్వయంగా ప్రకటించారు. కొన్నాళ్లు ఈ ప్రేమపక్షులు బాగానే ఉన్నారు. ఆ తర్వాత అభిప్రాయబేధాలొచ్చాయి. హోలీ టైమ్ కు విడిపోయారు.

తామిద్దరం విడిపోయామనే విషయాన్ని తమన్న పరోక్షంగా వెల్లడించింది. ప్రేమలో నమ్మకం చాలా ముఖ్యం అంటూ రకరకాల స్టేట్ మెంట్స్ కూడా ఇచ్చింది.

ఆ బ్రేకప్ నుంచి ఇప్పుడిప్పుడే బయటపడుతున్న ఆమెను పెళ్లెప్పుడు చేసుకుంటారంటూ మీడియా ప్రశ్నించింది. దీంతో తమన్నా ఒకింత అసహనానికి లోనైంది. ఇప్పట్లో పెళ్లి చేసుకోను అంటూ ముక్తసరిగా సమాధానమిచ్చి ఆ టాపిక్ ను కట్ చేసింది.

ఆమె మళ్లీ ప్రేమలో పడుతుందా లేక పెద్దలు చూసిన సంబంధం చేసుకుంటుందా అనే చర్చ సోషల్ మీడియాలో నడుస్తోంది. 35 ఏళ్ల తమన్నా మాత్రం తానింకా కొన్నేళ్ల పాటు సినిమాలు చేస్తానని చెప్పుకొస్తోంది.