అటు మెడికో… ఇటు యాక్టింగ్

హీరోయిన్లలో డాక్టర్ అనగానే ఎవరికైనా శ్రీలీల గుర్తొస్తుంది. ఆమె ఓవైపు సినిమాల్లో నటిస్తూనే, మరోవైపు ఎంబీబీఎస్ పూర్తిచేసింది. అయితే ఇండస్ట్రీలో మరో డాక్టర్ కూడా ఉంది. ఆమె పేరు రూపా కొడువాయూర్. విశేషం ఏంటంటే, శ్రీలీలలా ఈమె కూడా తెలుగమ్మాయే.

అయితే శ్రీలీల కంటే ముందే మెడిసిన్ పూర్తిచేసింది. కాకతీయ మెడికల్ కాలేజీలో వైద్య విద్యను అభ్యసించిన రూపా, ఎప్పటికైనా ఆంకాలజీలో మాస్టర్స్ చేయాలనేది తన డ్రీమ్ గా చెప్పుకొచ్చింది.దీనికి ఆమె కారణం కూడా వెల్లడించింది.

రూపా తల్లి కాన్సర్ పేషెంట్. అయితే సక్సెస్ ఫుల్ గా ఆమె కాన్సర్ ను జయించారంట. అప్పట్నుంచి రూపాకు ఎలాగైనా కాన్సర్ నయం చేసే డాక్టర్ అవ్వాలనే కోరిక కలిగిందంట. నిజానికి అంతకంటే ముందు ఆమె గ్యాస్ట్రో ఎంటరాలజీ చేయాలనుకుంది. తల్లిని చూసిన తర్వాత ఆంకాలజీ చేయాలని ఫిక్స్ అయిందంట.

ప్రస్తుతం ఓవైపు సినిమాలు చేస్తూనే, మరోవైపు ఆంకాలజీ దిశగా అడుగులు వేస్తోంది రూప. లండన్ లో చదువుకుంటూ, పరీక్షలు క్లియర్ చేసుకుంటూ, మధ్యమధ్యలో సినిమాలు చేస్తోంది. ఇదీ రూపా చరిత్ర.

ఆమె నటించిన “సారంగపాణి జాతకం” విడుదలకు సిద్ధమైంది. ఆమె ఇంతకుముందు “ఉమామహేశ్వర ఉగ్ర రూపస్య”, “మిస్టర్ ప్రెగ్నెంట్” వంటి చిత్రాల్లో నటించింది. “సారంగపాణి జాతకం” ఆమెకి తెలుగులో మూడో చిత్రం. ఈ సినిమాపై చాలా ఆశలు పెట్టుకొంది.