ఆ ఎకౌంట్ కూడా అల్లు అర్జున్ దే?

హీరోహీరోయిన్లకు చెందిన సోషల్ మీడియా ఎకౌంట్లను అంతా ఫాలో అవుతుంటారు. వాటిలో సదరు హీరోహీరోయిన్లు చాలా పద్ధతిగా కనిపిస్తారు. రెగ్యులర్ గా యూత్ చేసే అల్లర్లు, హంగామా, జోకులు అందులో కనిపించవు.

ఇలాంటి వాటి కోసం, తమ ఫ్రెండ్స్ తో ఛిల్ అవ్వడం కోసం కొన్ని సైడ్ ఎకౌంట్లు కూడా మెయింటైన్ చేస్తుంటారు నటీనటులు. ఇండస్ట్రీలో దాదాపు అందరికీ ఇలాంటి డమ్మీ ఎకౌంట్స్ ఉన్నాయి. కాకపోతే అవి వాళ్లవనే విషయం ఆ సర్కిల్ కు తప్ప, సామాన్య జనాలకు తెలియవు. ఇది అలాంటి విషయమే.

అల్లు అర్జున్ కు అధికారిక ఎకౌంట్ కాకుండా ఓ పర్సనల్ ఎకౌంట్ కూడా ఉందని, దాన్ని బన్నీ భార్య మెయింటైన్ చేస్తుందనే వార్తలు ఎప్పట్నుంచో ఉన్నాయి. ఆ ఎకౌంట్ ద్వారా సోషల్ మీడియాలో ఏం జరుగుతుందో తెలుసుకునే ప్రయత్నం చేస్తుంటాడట బన్నీ.

ఇప్పుడా ఎకౌంట్ పేరు బయటకొచ్చింది. @bunny_boy_private అనే ఎకౌంట్ బన్నీదేనంటూ ప్రచారం జరుగుతోంది. దీనికి కారణం, ఈ ఎకౌంట్ ను సమంత, రానా లాంటి చాలామంది సెలబ్రిటీలు ఫాలో అవుతుండడమే.

ప్రస్తుతం సోషల్ మీడియాలో హాట్ గా నడుస్తున్న ఈ చర్చపై బన్నీ టీమ్ స్పందించలేదు.