ప్రచారం గాడి తప్పిందా?

మరికొన్ని గంటల్లో ‘సత్యభామ’ సినిమా రిలీజ్ అవుతోంది. అన్నీ తానై కాజల్ ఈ సినిమాను గట్టిగా ప్రమోట్ చేసింది. అయితే ఇలా చేసిన ప్రచారం చాలామంది కామన్ ఆడియన్స్ కు రీచ్ అవ్వలేదు. దీని కారణం యూనిట్ ఎత్తుకున్న ప్రచార ఎత్తుగడ.

‘సత్యభామ’ సినిమాలో పోలీస్ గా చేసింది కాజల్. కాబట్టి ప్రచారంలో రియల్ పోలీసాఫీసర్లను కాజల్ ఇంటర్వ్యూ చేస్తే బాగుంటుందని భావించారు. ఒక మహిళ పోలీస్ ఆఫీసర్ ను ఇంటర్వ్యూ చేశారు. కంటెంట్ బాగుంది కానీ చాలామందికి కనెక్ట్ అవ్వలేదు.

అప్పటికి యూనిట్ వెంటనే తేరుకొని ఉంటే బాగుండేది. మరింతమంది పోలీసులతో ఇంటర్వ్యూలు చేశారు. మహేష్ భగవత్, సి.అనసూయ లాంటి పోలీస్ పెద్దలతో పాటు.. ప్రత్యూష శర్మ లాంటి మహిళా అధికారులతో ఇంటర్వ్యూలు చేశారు.

రిలీజ్ కు ముందు చేసిన ఈ తరహా ప్రచారం పెద్దగా ఆకట్టుకోలేదు. ఈ స్థానంలో కాజల్ తోనే కొత్తగా ఇంకేదైనా ప్రయత్నించి ఉంటే బాగుండేది. ప్రచారంలో ఫెయిల్యూర్స్ పక్కనపెడితే, ఓవరాల్ గా కాజల్ గట్టిగానే ప్రయత్నించింది. రిజల్ట్ ఏమౌతుందో చూడాలి.