సుజీత్ సినిమాపై నాని క్లారిటీ

 సుజీత్ దర్శకత్వంలో నాని ఓ సినిమా ప్రకటించిన సంగతి తెలిసిందే. డీవీవీ దానయ్య బ్యానర్ పై భారీ బడ్జెట్ తో ఆ సినిమా వస్తుందని అంతా ఎదురుచూశారు. అంతలోనే ఆ ప్రాజెక్టుపై ఎలాంటి కదలిక కనిపించలేదు. ఒక దశలో సినిమా ఆగిపోయినట్టు ప్రచారం కూడా జరిగింది.

ఎట్టకేలకు ఈ ప్రాజెక్టుపై స్పందించాడు నాని. డైరక్టర్ సుజీత్ తో కచ్చితంగా సినిమా చేస్తానని, ఇప్పటికే కథ ఓకే అయిందని వెల్లడించాడు నాని. శ్రీకాంత్ ఓదెల దర్శకత్వంలో చేస్తున్న సినిమా పూర్తయిన వెంటనే, సుజీత్ మూవీ ఉంటుందని కూడా ప్రకటించాడు.

ఓ ఇంటర్వ్యూలో మాట్లాడిన నాని, సుజీత్ సినిమా కూడా యాక్షన్ మూవీనే అని, కాకపోతే సరికొత్త పాయింట్ తో ఉంటుందని, అందులో యాక్షన్ బ్యాక్ డ్రాప్ వేరే లెవెల్ లో ఉంటుందని అంటున్నాడు. ప్రస్తుతం నాని ‘హిట్-3’ సినిమా ప్రచారంలో బిజీగా ఉన్నాడు. మే 1న ఈ సినిమా థియేటర్లలోకి వస్తోంది

ఈ సందర్భంగా మరో సినిమాపై కూడా క్లారిటీ ఇచ్చాడు. నిజానికి ‘హిట్-3’ సినిమాను ఇంత త్వరగా చేస్తానని నాని అనుకోలేదంట. ఓ సినిమా ఆగిపోవడంతో, శైలేష్ ను సంప్రదించడం, అతడు సిద్ధంగా ఉండడంతో వెంటనే సెట్స్ పైకి వెళ్లిపోవడం చకచకా జరిగిపోయాయన్నాడు.