అవును నేను దొంగనే!

నాగార్జున ఓ దొంగ. పైగా ఇంటి దొంగ. ఈ విషయాన్ని ఆయన స్వయంగా వెల్లడించారు. చిన్నప్పుడు తండ్రి అక్కినేని నాగేశ్వరరావు పర్సు నుంచి ఆయన డబ్బులు దొంగిలించేవారు. ‘కుబేర’ ప్రీ-రిలీజ్ ఫంక్షన్ లో ఈ విషయాన్ని బయటపెట్టారు నాగార్జున.

అయితే తన కొడుకులు నాగచైతన్య, అఖిల్ కు అంత  అవకాశం ఇవ్వలేదంటారాయన. దీనికి కూడా ఆయన కారణం వెల్లడించారు. నాగార్జున దగ్గర అస్సలు పర్సు ఉండదంట. ఒకవేళ ఉన్నా అందులో డబ్బులు ఉండవట. కాబట్టి చైతూ, అఖిల్ కు తమ తండ్రి నుంచి డబ్బులు కొట్టేసే అవకాశం కలగలేదన్నమాట.

జీవితంలో డబ్బులు సంపాదించాలంటే ఆశ ఉండకూడదన్నారు నాగార్జున. అతిగా ఆశ పడితే డబ్బులు సంపాదించలేమన్నారు. పైగా రోజంతా మొబైల్ స్క్రీన్ చూస్తే కాలం గడిపితే డబ్బు అస్సలు సంపాదించలేమనేది నాగార్జున అభిప్రాయం.

‘కుబేర’ సినిమాలో కీలక పాత్ర పోషించారు నాగార్డున. ఇన్నాళ్లూ తనను స్టార్ గా చూశారని, ఇకపై తనను ఓ నటుడిగా చూస్తారని చెబుతున్నారు.