కీర్తి సురేష్ కాబోయే భర్త

కీర్తి సురేష్ లవర్ విశేషాలు బయటకొచ్చాయి. చిన్నప్పుడు తనతో చదువుకున్న ఆంటోనీ తటిల్ ను ఆమె ప్రేమిస్తోంది. అంతేకాదు, వచ్చే నెల ఇద్దరూ పెళ్లి కూడా చేసుకోబోతున్నారు. ఇంతకీ ఈ ఆంటోనీ తటిల్ ఎవరు..? ఏం చేస్తుంటాడు..? కీర్తిసురేష్ కు అతడిలో ఏం నచ్చింది?

ఆంటోనీ, కీర్తిసురేష్ అప్పర్ ప్రైమరీ స్కూల్ లో చదువుకున్నారు. ఆ తర్వాత కూడా మరో ఏడాది కలిసి చదువు కొనసాగించారు. చిన్నప్పట్నుంచి ఆంటోనీది వ్యాపార కుటుంబం. కొచ్చి, చెన్నైలో పలు వ్యాపారాలున్నాయి. అందుకు తగ్గట్టే ఆంటోనీ అమెరికాలో బిజినెస్ మేనేజ్ మెంట్, ఇంజినీరింగ్ కోర్సులు చేశాడు.

ఆ తర్వాత అతడు ఖతార్ లో ఓ కంపెనీలో ఉద్యోగిగా చేరాడు. ఉద్యోగుల సైకాలజీ, వర్క్ కల్చర్ లాంటి ఎన్నో విషయాల్ని అక్కడ ప్రాక్టికల్ గా తెలుసుకున్నాడు. ఆ తర్వాత తన వ్యాపార సామ్రాజ్యాన్ని విస్తరించాడు.

అమెరికాలో చదువుతున్న టైమ్ లోనే కీర్తిసురేష్ కు ప్రపోజ్ చేశాడట ఆంటోనీ. చాన్నాళ్లు పెండింగ్ లో పెట్టి ఆ తర్వాత ఓకే చెప్పిందట కీర్తిసురేష్. ఆ తర్వాత అతడి కోసమే 2 సార్లు ఆమె దుబాయ్ కూడా వెళ్లొచ్చింది. వాళ్ల ఫస్ట్ డేటింగ్ దుబాయ్ లోనే జరిగింది.

అలా ఇద్దరూ ప్రేమలో ఒకటయ్యారు. ఇప్పుడు పెళ్లితో కొత్త జీవితం ప్రారంభించబోతున్నారు. వచ్చే నెల గోవాలో వీళ్ల వివాహం జరగనుంది.