సీనియర్ హీరో లీగల్ కష్టాలు

స్వీయ దర్శకత్వంలో మోహన్ లాల్, ఏ ముహూర్తాన బ్యారోజ్ సినిమాను ప్రారంభించాడో కానీ అప్పట్నుంచి ఆ సినిమాకు సమస్యలు ఎదురవుతూనే ఉన్నాయి. ఇప్పటికే పలుమార్లు ఈ సినిమా వాయిదా పడింది. ఒక దశలో మోహన్ లాల్ అనారోగ్యానికి కూడా గురయ్యారు.

ఇప్పుడీ సినిమా మరోసారి ఈ నటుడికి తలనొప్పులు తెచ్చిపెట్టింది. బ్యారోజ్ సినిమా కాపీరైట్ చిక్కుల్లో పడింది. జార్జ్ తుండిపరంబిల్ అనే వ్యక్తి ఈ సినిమాపై కేసు వేశాడు. రిలీజ్ కాకుండా ఆపాలంటూ కోర్టును ఆశ్రయించాడు. దీంతో మోహన్ లాల్ ఇప్పుడు లీగల్ చిక్కుల్లో ఇరుక్కున్నట్టయింది.

బ్యారోజ్ అనేది పిల్లల చుట్టూ తిరిగే ఫాంటసీ కథతో వస్తున్న సినిమా. స్వీయ దర్శకత్వంలో మోహన్‌లాల్ నటించిన సినిమా ఇది. ఈ సినిమాలో చాలా సన్నివేశాలు, తను రాసిన మాయ అనే నవలలో పారాగ్రాఫులకు దగ్గరగా ఉన్నాయని ఆరోపిస్తున్నాడు జార్జ్.

చాలా కాలంగా నిర్మాణ దశలో ఉన్న ఈ సినిమా ఈ ఏడాది విడుదల కావాలి. అయితే తాజా కేసు వల్ల సినిమా ఇంకాస్త ఆలస్యమయ్యేలా ఉంది. ఇప్పటికే హేమ కమిటీ రిపోర్ట్ తో ఇబ్బందులు పడుతున్న ఈ నటుడు.. ఇప్పుడీ లీగల్ ఇష్యూను ఎలా ఫేస్ చేస్తాడో చూడాలి.