మోహన్ లాల్ తో పవన్ పోటీ!

చాలా గ్యాప్ తర్వాత “హరిహర వీరమల్లు” సినిమా సెట్స్ పైకి వచ్చింది.ఈ రోజు హైద్రాబాద్లో చివరి షెడ్యూల్ మొదలైంది. ఈ విషయాన్ని నటుడు కబీర్ సింగ్ (Kabir Duhan Singh) ప్రకటించాడు. షూటింగ్ లొకేషన్ నుంచి సోషల్ మీడియాలో పోస్ట్ చేశాడు. సమ్మర్ ఎట్రాక్షన్ గా మార్చి 28న హరిహర వీరమల్లు సినిమాను విడుదల చేయబోతున్నట్టు నిర్మాతలు ఇంతకుముందే ప్రకటించారు.

ఐతే ఈ సినిమా డేట్ మారింది అని, ఇది ఇంకా లేట్ గా విడుదల కానుందని అని గత నెలలో మాట వినిపించింది. ఆ ప్రచారం మొదలు కాగానే “మ్యాడ్ స్క్వేర్” అనే చిన్న చిత్రం మార్చి 29గా తమ సినిమా విడుదల తేదీని ప్రకటించింది. గౌతమ్ తిన్ననూరి దర్శకత్వంలో విజయ్ దేవరకొండ చేస్తున్న సినిమా విడుదల తేదీని మార్చి 28 నుంచి వాయిదా వేశారు.

ఐతే, నిజంగా “హరి హర వీర మల్లు” మార్చి 28న విడుదల అవుతుందా లేదా అన్నది చూడాలి.

ఈ సినిమాకన్నా ఒక రోజు ముందు మోహన్ లాల్ చిత్రం “ఎల్ 2” పాన్ ఇండియా లెవల్లో విడుదల అవుతోంది. సో, “హరి హర వీర మల్లు” కూడా పాన్ ఇండియా లెవల్లో మోహన్ లాల్ చిత్రంతో పోటీ పడాల్సి ఉంటుంది.