‘క’కి మెగా ప్రశంస!

చిన్న సినిమాకు పెద్ద ప్రశంస దక్కింది. ‘క’ సినిమాను మెగాస్టార్ చిరంజీవి ప్రత్యేకంగా మెచ్చుకున్నారు. కిరణ్ అబ్బవరం హీరోగా నటించిన ఈ సినిమాను రీసెంట్ గా చూశారు చిరు. సినిమా బాగా నచ్చింది.

వెంటనే హీరో, దర్శకులు, నిర్మాతను తన ఇంటికి ఆహ్వానించారు. సినిమాను మెచ్చుకుంటూ వాళ్లను ప్రత్యేకంగా అభినందించారు. ఏకంగా గంట సేపు వాళ్లతో మాట్లాడి సినిమా విశేషాల్ని పంచుకున్నారు. అభినందించడంతో పాటు మంచి ఆతిథ్యం కూడా అందించారు.

చిన్న సినిమాకు ఎప్పుడూ చిరంజీవి మద్దతు ఉంటుంది. మెగాస్టార్ మద్దతుతో థియేటర్లలో మంచి రెస్పాన్స్ తెచ్చుకున్న సినిమాలు చాలానే ఉన్నాయి. ఒకవేళ తను ప్రచారం చేయకపోయినా, రిలీజైన తర్వాత ఏదైనా చిన్న సినిమా సక్సెస్ అయితే, వాళ్లను అభినందించడం చిరంజీవికి అలవాటు.

ఈసారి కూడా చిరు అదే పని చేశారు. కిరణ్ అబ్బవరం అండ్ కో ను అభినందించారు. మెగా ప్రశంసతో యూనిట్ ఉబ్బితబ్బిబ్బయింది.