మీనాక్షి అటు మళ్లింది

తెలుగు హీరోయిన్లలో చాలా బిజీగా ఉన్న భామ… మీనాక్షి చౌదరి. ఆమె నటించిన మూడు చిత్రాలు కేవలం 23 రోజుల గ్యాప్ లో వస్తున్నాయి. అందులో మొదటి చిత్రం ఇప్పటికే విడుదలైంది. అదే “లక్కీ భాస్కర్”. ఈ సినిమాలో ఆమె దుల్కర్ కి భార్యగా నటించింది. దీపావళి కానుకగా విడుదలైన “లక్కీ భాస్కర్” కోసం ఇప్పటికే చాలా ప్రొమోషన్ వీడియోలు చేసింది.

ఇక ఆ సినిమా నుంచి మరో సినిమా ప్రచారానికి మళ్లింది. ఆమె తదుపరి విడుదల.. మట్కా. వరుణ్ తేజ్ హీరోగా రూపొందిన ఈ మూవీ ఈ నెల 14న థియేటర్లలోకి రానుంది. అందుకే ఇక ఇప్పుడు ఆమె ఫోకస్ ‘మట్కా’ ప్రమోషన్.

ALSO READ: MATKA trailer is out

ఈ సినిమాలో ఆమె వరుణ్ తేజ్ కి భార్యగా నటించింది. ‘లక్కీ భాస్కర్’లో కూడా అంతే. రెండూ పీరియడ్ చిత్రాలే. అంటే ఆమె పాత్రల్లో పెద్దగా మార్పు లేదు. ఇప్పుడు వరుణ్ తేజ్ తో పది రోజులు ప్రమోషన్ చేసి ఆ తర్వాత విశ్వక్ సేన్ తో కలిసి ప్రచార మొదలుపెడుతుంది.

విశ్వక్ సేన్ నటించిన “మెకానిక్ రాకీ’లో ఆమె ఒక హీరోయిన్. అది నవంబర్ 22న విడుదల కానుంది. దాంతో, ఆ ప్రమోషన్ కూడా చెయ్యాలి.