వంద కోట్ల హీరో అయ్యాడు సేతుపతి

విజయ్ సేతుపతి అద్భుతమైన నటుడు. అతను స్టార్ కాదు కానీ మంచి నటుడు అని ఇప్పటి వరకు అందరూ అనుకున్నారు. ఐతే, ఇప్పుడు ఆ భావన మారిపోవాలి. విజయ్ సేతుపతి సూపర్ యాక్టరే కాదు స్టార్ కూడా అని చెప్పాలి. ఎందుకంటే అతను హీరోగా నటించిన ఒక చిత్రం వంద కోట్లు కలెక్ట్ చేసింది.

విజయ్ సేతుపతి హీరోగా నటించిన “మహారాజ” తాజాగా 100 కోట్ల రూపాయల గ్రాస్ సాధించింది. నితిలన్ స్వామినాధన్ దర్శకత్వం వహించిన ఈ సినిమా తమిళ్ తో పాటు, తెలుగులో కూడా పెద్ద హిట్టయింది. తమిళంలో ఇంకా ఆడుతోంది.

తాజాగా ఈ సినిమా వంద కోట్ల క్లబ్బులో చేరింది.

“కల్కి 2898 AD” కారణంగా తెలుగులో ఈ సినిమాని జనం మరచిపోయారు. కానీ తమిళనాట ఇంకా ఆదరణ పొందుతోంది. అలా విజయ్ సేతుపతి కూడా వంద కోట్ల సినిమాల హీరో అయ్యాడు. ఇక ఇప్పుడు హీరోగా అతనితో పలు సినిమాలు ప్రకటించారు తమిళ నిర్మాతలు.