తమన్నని వదిలి ఫాతిమాతో!

రెండేళ్ల పాటు తమన్నాతో డేటింగ్ చేశాడు బాలీవుడ్ నటుడు విజయ్ వర్మ. వీరిద్దరూ పెళ్లి కూడా చేసుకుంటారని భావించారు అంతా. కానీ పెళ్లి చేసుకునే విషయంలోనే విజయ్ వర్మ మీనమేషాలు లెక్కిస్తుండడంతో తమన్న బ్రేకప్ చెప్పింది.

ఐతే, తాజాగా విజయ్ వర్మ ఇటీవల బాలీవుడ్ భామ ఫాతిమా సనా షేక్ తో కలిసి చక్కర్లు వేస్తున్నాడు.

రెస్టారెంట్ల వద్ద డిన్నర్ చేస్తూ క్లబ్బులల్లో పార్టీలు చేసుకుంటూ కనిపిస్తున్నాడు. ఐతే, వీరితో పాటు ఇతర స్నేహితులు కూడా ఉన్నారు. అయినా, వీరి మధ్య డేటింగ్ మొదలయ్యిందేమో అన్న అనుమానాలు మొదలయ్యాయి. ఇప్పటికే సోషల్ మీడియాలో ఊహాగానాలు షురూ అయ్యాయి.

నిజానికి ఫాతిమా గతంలో పలువురు హీరోలతో డేటింగ్ లో ఉన్నట్లు ప్రచారం జరిగింది. అమీర్ ఖాన్ తో కూడా లింకప్ రూమర్లు వచ్చాయి. అలాగే ఇటీవల ఒక నటుడితో ఆమె వ్యహరించిన వీడియో కూడా వైరల్ అయింది. ఐతే, ఇప్పుడు మాత్రం విజయ్ వర్మతో తరుచుగా కనిపిస్తూ వార్తల్లో నిలుస్తోంది. గతంలో దక్షిణాదిలో కాస్టింగ్ కౌచ్ ఎక్కువ అని ఆరోపణలు చేసిన ఈ భామ ఇటీవలే మాట మార్చింది. మొత్తంగా దక్షిణాది పరిశ్రమ అలా ఉంది అనలేదు అని, ఒకట్రెండు అనుభవాలు తనకు ఎదురయ్యాయి అని మాత్రమే చెప్పాను అని వివరణ ఇచ్చింది.

మరోవైపు, విజయ్ వర్మ సినిమాల కన్నా ఇలా హీరోయిన్లతో డేటింగ్ చేస్తూ పాపులర్ అవుతున్నట్లు కనిపిస్తోంది.