రామ్‌ బుజ్జిగా దివ్యేందు శర్మ

‘మీర్జాపూర్‌’ సిరీస్‌ తో నటుడు దివ్యేందు శర్మ బాగా పాపులర్ అయ్యాడు. ఈ నటుడు ఇప్పుడు తెలుగులో నటిస్తున్నాడు. అతని మొదటి తెలుగు చిత్రం.. పెద్ది. రామ్ చరణ్, బుచ్చి బాబు సానా కాంబినేషన్ లో రూపొందుతోన్న భారీ చిత్రం… పెద్ది.

ఈ రోజు దివ్యేందు శర్మ పుట్టిన రోజు. అతనికి బర్త్ డే విషెస్ చెబుతూ స్పెషల్ పోస్టర్ రిలీజ్ చేశారు. ఈ చిత్రంలో ‘రామ్‌ బుజ్జి’ అనే క్యారెక్టర్ లో కనిపించబోతున్నారు దివ్యేందు శర్మ. ఈ పోస్టర్లో క్రికెట్ బంతిని ఎగరేస్తూ కనిపించాడు దివ్యేందు శర్మ.

ఇంతకుముందు రామ్ చరణ్ మొదటి లుక్ వీడియో, ఇప్పుడు దివ్యేందు పోస్టర్ ని బట్టి చూస్తే “పెద్ది” ప్రధానంగా క్రికెట్ చుట్టూ తిరిగే కథ అనిపిస్తోంది.

ఈ చిత్రంలో జాన్వీ కపూర్ హీరోయిన్‌గా నటిస్తుండగా, శివరాజ్ కుమార్, జగపతి బాబు ఇతర కీలక పాత్రల్లో కనిపించనున్నారు. ఆస్కార్ అవార్డు విజేత ఏఆర్ రెహ్మాన్ సంగీతం అందిస్తున్నారు.

“పెద్ది”ని వచ్చే ఏడాది మార్చి 27న విడుదల చెయ్యనున్నారు.