దిల్ రాజుకు పెద్ద కష్టమే!

ఎప్పుడైతే సంధ్యా థియేటర్ లో దుర్ఘటన జరిగిందో అప్పుడే ప్రీమియర్స్ పై తెలంగాణ ప్రభుత్వం నిర్ణయం తీసుకునే అవకాశం ఉందని చాలామంది ఊహించారు. అంతా ఊహించినట్టుగానే ప్రీమియర్స్ పై నిషేధం విధిస్తున్నట్లు సినిమాటోగ్రఫీ మంత్రి కోమటరెడ్డి ప్రకటన చేశారు.

కోమటిరెడ్డి చెప్పిన ఈ విషయం అధికారికమైతే కనుక అది దిల్ రాజుకు పెద్ద ఇబ్బందిగా మారుతుంది. ఎందుకంటే, రాబోయే సంక్రాంతి సినిమాల్లో దిల్ రాజు నిర్మిస్తున్న సినిమాలే 2 ఉన్నాయి కాబట్టి.

ఈ సంక్రాంతికి ‘గేమ్ ఛేంజర్’, ‘డాకు మహారాజ్’, ‘సంక్రాంతికి వస్తున్నాం’ సినిమాలున్నాయి. వీటిలో ‘గేమ్ ఛేంజర్’, ‘సంక్రాంతికి వస్తున్నాం’ సినిమాలు రెండూ దిల్ రాజువే. ఇక ‘గేమ్ ఛేంజర్’ అయితే భారీ బడ్జెట్ సినిమా.

ఈ సినిమాలు రికవర్ అవ్వాలంటే సంక్రాంతి బరిలో కచ్చితంగా ప్రీమియర్స్, బెనిఫిట్ షోలు ఉండాల్సిందే. మొన్నటివరకు దిల్ రాజు ఆశ కూడా ఇదే. ‘పుష్ప-2’ టైపులో ముందు రోజు నుంచే ప్రీమియర్స్ ప్లాన్ చేశాడు. కానీ ఇప్పుడు మొత్తం తలకిందులైంది. ఇప్పుడు దిల్ రాజు ఏం చేస్తాడో చూడాలి.